Blloku Bota

Rusia ka propozuar një draft rezolutë në Këshillin e Sigurimit të Organizatës së Kombeve të Bashkuara, përmes së cilës kërkon ngritjen e një komisioni hetimor për aktvitetet bioushtarake të SHBA në Ukrainë.

Sipas agjencisë “Tass”, drafti pritet të shqyrtohet në seancën e 27 tetorit dhe ajo kërkon që komisioni të përbëhet nga të gjithë anëtarët e Këshillit të Sigurimit për të verifikuar shkelje që sipas saj bien ndesh me Konventën për Armët Biologjike në kontekstin e aktiviteteve të laboratorëve biologjikë në Ukrainë.

Mediat hollandeze raportojnë për identifikimin e të paktën dy stacioneve ilegale  policore të Kinës në territorin e Hollandës. Sipas mediave në fjalë, stacionet janë aty të paktën që nga viti 2018 dhe ato merren me presionin ndaj disidentëve kinezë. Raportimi është bërë nga një viktimë, Wang Jingyu, sipas të cilit ai u largua nga Kina drejt Hollandës pas kritikave ndaj regjimit në mediat sociale.

Gjermania është kujtuar të marrë një rol në Ukrainë. Sot mediat njoftojnë për një vizitë të papritur në kryeqytetin ukrainas, Kiev. Sipas të njëjtave burime, Frank Walter Steinmeier do të takohet me homologun Zelenskiy, një lëvizje që vendos Gjermaninë në një plan aktiv me aleatët e vet perëndimorë përballë Rusisë.

Kryeministri hungarez Victor Orban ka përshkallëzuar luftën deklarative ndaj Bashkimit Europian teksa ka njoftuar zhvillimin e një referendumi për sanksionet ndaj Rusisë, të cilat po godasin rëndë ekonominë e këtij vendi. Duke folur në një aktivitet me rastin e 66 vjetorit të revlucionit hungarez ndaj Bashkimit Sovjetik më 1956, Orban parashikoi edhe fundin e BE-së:

Komiteti Qendror i Partisë Komuniste të Kinës ka rizgjedhur në detyrën e Sekretarit të Përgjithshë të saj, Xi Jinping.

Kongresi i 20-të miratoi me votim kandidaturën e Xi, një figurë tanimë emblematike e atij që quhet Modeli Kinez. Që këtej, politikani në fjalë pritet normalisht të rimarrë detyrat e kreut të shtetit si dhe të Kryetarit të Komisionit Qendror Ushtarak të Kinës.

Agjencia zyrtare “Xinhua” njofton se Komiteti ka zgjedhur edhe një Byro të re Politike, e përbërë nga 24 anëtarë.

Në “Jerusalem Post” është publikuar një shkrim i Adam Milstein, sipërmarrës filantropist hebre, që tematizon atë që po quhet “fundi i epokës së artë të hebrejve në Shtetet e Bashkuara të Amerikës”.

Presidentja e Komisionit Europian, Ursual von der Leyen ka deklaruar se BE-ja parashikonë një ndihmë financiare 1.5 miliardë euro/muaj për Ukrainën vitin e ardhshëm. Plani ka dalë në sipërfaqe pas takimit të liderëve europianë në Bruksel.

Ukraina ka nevojë për ¾ miliardë euro në muaj për të përmbushur nevojat bazë. Ndihma e përgjithshme e BE-së për vitin vjetër do të shkojë në 18 miliardë euro. Ministrat e Financës së BE-së do të punojnë për mekanizmin e përshtatshëm

ka thënë ajo.

Kreu ekzekutiv i kompanisë “Shell”, Ben van Beurden ka deklaruar pas nënshkrimit të një marrëveshjeje me Ktarin për pjesëmarrjen me 9.3% në projektin jugor të “Fushës Veriore” se kriza aktuale energjetike në Europë do të ketë pasoja afatgjata. Sipas tij, reduktimi domethënës i konusmit të energjisë në Europë, për shkak të humbjes së 120 milionë tonëve gaz nga Rusia ka ardhur me koston e “fikjes së industrisë”.

Sipas tij, nëse kjo ulje konsumi ka një element pozitiv për klimën, në plan afatgjatë ajo do të imponojë një “racionalizëm industrial dhe ekonomik”.

Samiti europian i Brukselit është interpretuar si një fitore e Macron përkundrejt kancelarit gjerman Olaf Scholz. Cicmicet e presidentit francez kanë korrur një arritje në letër, siç janë të gjitha arritjet e tij, teksa njoftohet se Franca, Spanja dhe Portugalia kanë firmosur një marrëveshje për ndërtimin e një gazsjellësi të ri i quajtur BarMar që lidh gadishullin Iberik, Francën dhe tregun europian. 

Kreu i Lëvizjes “5 yjet” në Itali, ish-kryeministri Giuseppe Conte, ka deklaruar gjatë një interviste për gjermanen “Spiegel”, se nëse kryeministrja e re, Giorgia Meloni, do të ndjekë ato që ai i quan “politika reaksionare”, atëherë opozita italiane do të duhet të mobilizojë të gjitha forcat.