Blloku Bota

Minitri i Jashtëm turk, Hakan Fidan, ka deklaruar gjatë Konferencës së 14-të të Ambasadorëve se pozicioni i Turqisë është përcaktues që BE-ja të marrë një rol qenësor në skenën globale.

Është e rëndësishme që t’i qasemi marrëdhënieve Turqi-BE me një perspektivë vizionare në një periudhë të re dhe të rigjallërojmë procesin me fokus anëtarësimin e plotë. BE-ja pa Turqinë nuk mund të jetë një aktor global

është shprehur Fidan.

Gazeta gjermane “Tagesspiegel” publikon një letër që ekspertë të politikës së jashtme i kanë bërë autoriteteve në BE, SHBA dhe Britaninë e Madhe që të ndërmarrin një qasje më të ashpër ndaj Serbisë së Aleksander Vuçiç. Sipas tyre, Beogradi zyrtar po ndjek politika destabilizuese në Ballkan, nuk po rreshtohet me sanksionet ndaj Rusisë, çka përbën arsye të mjaftueshme që gjuha ndaj tij të ndryshojë.

Sekretari i Përgjithshëm i Organizatës së Kombeve të Bashkuara, Antonio Guterres, ka paralajmëruar se hijet e luftës bërthamore ngrihen sërish mbi mbarë globin.

Daullet e luftës bërthamore po bien sërish. Mosbesimi dhe ndarjet po shtohen. Disa vende…kërcënojnë të përdorin këtë mjetet të asgjësimit

ka thënë Guterres.

Ai ka bërë thirrje për braktisjen tërësore të armëve bëtrthamore që sipas tij mbetet prioriteti kryesore i Kombeve të Bashkuara.

Grushti i shtetit në Niger ka provuar të disatën herë se Emmanuel Macron luan për strategjinë e madhe, por nuk e ka një të tillë. Seriali i dështimeve të tij në politikën e jashtme nuk ka të sosur: Liban, Turqi, Siri deri diku, në BE me krizën e sforcuar me Gjermaninë, për të mbërritur te poshtërimi në Australi vitin e kaluartv kur iu anullua një kontratë për nëndetëse bërthamore, të cilat iu kaluan ShBA. 

Ish-kryeministri i Pakistanit, aktualisht lider i partisë opozitare, Lëvizja për drejtësi, Imran Khan, është dënuar me tre vjet burg. Ai është gjetur fajtor për korrupsion, mashtrim dhe falsifikim, shitje e dhuratave të marra nga liderë të huaj. Sipas hetimeve thuhet se të paktën 52 dhurata të marra nga liderë të vendeve të Lindjes së Mesme u shitën në një vlerë 2 milionë dollarë.

Ai arrestua më 9 maj 2023 dhe ndalimi u shoqërua me protesta nga opozita, që çuan në vdekjen e 10 njerëzve dhe lëndimin e 300 të tjerëve.

Sulmet terroriste u rritën në vendet e BE-së gjatë vitit 2022, krahasuar me një vit më parë. Raporti i fundit i Europolit flet për 28 sulme të planifikuara, 16 prej të cilave janë realizuar.

Numri i rasteve të reja me virusin SARS-CoV-2 është rritur javët e fundit. Në SHBA, Qendra për Kontrollin dhe Parandalimin e Sëmundjeve raporton rritje të rasteve pozitive dhe shtrimeve në spital.

Trazirat në Niger kanë ngritur shqetësimin për energjinë bërthamore dhe ndikimin e saj në portofolin energjetik të Francës. Politikat energjetike të Francës, që e kanë origjinën që në kohën e Charles de Gaulle, e bëjnë sistemin e saj të energjisë elektrike të varur nga energjia bërthamore në masën 70%. Franca është eksportuesi më i madh neto në botë i energjisë bërthamore, çka i sjell çdo vit më shumë se 3 miliardë euro të ardhura.

Zv.ministri polak i Mbrojtjes Wojciech Skurkiewicz ka deklaruar se vendi i tij do të përgjigjet në mënyrë adekuate ndaj kërcënimeve të Bjellorusisë. Një ditë pas lajmit se helikopterë ushtarakë bjellorusë kishin shkelur hapësirën ajrore polake, zv.ministri polak ka dalë me deklaratë duke sqaruar ndër të tjera se:

Ne e dimë se kush është armiku ynë në kufijtë lindorë. Nëse situata të tilla vijojnë dhe do të ketë një përshkallëzim tensionesh, atëherë veprimet tona do përgjigjen reciprokisht ndaj kërcënimeve. Situata me helikopterët synonte Poloninë dhe NATO-n

Ministri i Jashtëm i Italisë, Antonio Tajani ka bërë thirrje që Perëndimi të shmangë një ndërhyrje ushtarake në Niger. Grushti i shtetit në vendin afrikan ka provokuar reagime ndërkombëtare ndërkohë që grupimi rajonal afrikano-perëndimor, ECOWAS, ka kërcënuar se do të përdorë forcën për rikthyer në pushtet presidentin e zgjedhur në mënyrë demokratike.

Ne duhet të punojmë që demokracia të fitojë. Ne duhet të përjashtojmë çdo nismë për ndërhyrje ushtarake për shkak se do të perceptohet si kolonizim i ri