Blloku Bota

Ministri rus i Mbrojtjes, Sergei Shoigu, objekt i sulmeve të Evgeni Prigozhin, është shfaqur një ditë pas krizës ushtarake duke përcjellë mesazhin se pozitat e tij janë të pacenuara.

Ministria ruse e Mbrojtjes sqaroi se Shhoigu vizitoi një post komande të avancuar në Ukrainë ku është vënë në duke efiçenca e madhe e ushtrisë ruse në gjurmimin dhe shkatërrimin e sistemeve ukrainase të armëve dhe ushtarëve.

Agjencia ruse e lajmeve “Tass” raporton se hetime penal ndaj revoltës së Evgeni Prigozhin nuk është mbyllur.

Agjencia citon burime nga Prokuroria e Përgjithshme, ndërkohë që citon mediat vendase si gazeta “Kommersant” që përcjell të njëjtën gjë.

Janë liruar tre policët kosovarë të rrëmbyer nga forcat serbe. Kryeministri I Hungarisë, Viktor Orban ka njoftuar në tuiter se lirimi është bërë me kërkesë të tij drejtuar presidentit serb Aleksander Vuçiç, duke nënvizuar marrëdhëniet strategjike mes të dyja vendeve.

Lirimi me ndërmjetësinë e Orban dhe njoftimi në këtë drejtim është një tjetër truk propagandistik që do të thotë se Beogradi nuk iu nënshtrua presionit ndërkombëtar, por respektoi kërkesën e një miku.

Problemet e krijuara nga revolta e Prigozhin, priret të sjellin pasojën më të rëndë të mundshme për Kremlinin në marrëdhëniet e tij me aleatët. Nuk është çështja vetëm te fakti se dikush merr guximin të ngrejë armët kundër autoritetit epror, por te fakti se mënyra si u zhvilluan ngjarjet dhe sesi një bërthamë prej 25 mijë vetash u organizuan për të kthyer drejtimin, dëshmon mungesë kompetence. Dhe kjo është më keq se çdo gjë tjetër.

Agjencitë amerikane të inteligjencës kanë pasur dyshime të forta se Evgeny Prigozhin po planifikonte një lëvizje të madhe kundër qeverisë ruse, disa ditë përpara se shefi i Wagner të urdhëronte trupat e tij të marshonin drejt Moskës. Lajmin e bën të ditur New York Times, duke cituar burime.

Drejtori i Shërbimit të Inteligjencës së Jashtme dhe kryetari i Shoqatës Historike Ruse, Sergei Naryshkin, thotë se ajo që presidenti rus e quajti tradhti nga brenda ka dështuar.

"Për momentin, është e qartë se një përpjekje për të nxitur shoqërinë, për të zgjuar impulset e saj më të errëta dhe për të nxitur një luftë civile vëllavrasëse ka dështuar," tha ai në një deklaratë të postuar në kanalin Telegram të Shoqatës Historike Ruse.

Në sinkronizim me lëvizjet e Yevgeni Progozhin një njësi ushtarake vullnetarësh bjellorusë që janë angazhuar kundër invadimit rus të Ukrainës, kanë nisur të bëjnë thirrje për të mos lejuar që Bjellorusia të bëhet pjesë e luftës së brendshme të Rusisë.

Përfaqësues të Regjimentit Kastuś Kalinoŭski kanë nisur të flasin për përmbysjen e Lukashenkos, ndërkohë zhvillimet janë ende duke ndodhur dhe nuk ka gjë të paqartë. Tonaliteti është sikur çdo gjë është vendosur.

Presidenti francez, Emmanuel Macron, hodhi këtë javë një propozim të ri, që sipas tij do të rinovonte sistemin ndërkombëtar të taksave për të financuar përpjekjet për klimën.

Macron foli për këtë gjatë Samitit për një Pakt të Ri Financimi Global në Paris, ku delegatë nga e gjithë bota po diskutojnë mënyrat për të reformuar sistemin financiar ndërkombëtar për të ndihmuar në krijimin e një fondi që do të shërbejë mbledhjen e parave për përpjekje për përshtatjen dhe zbutjen e klimës.

Mediat turke raportojnë për një telefonatë mes presidentit Erdogan dhe homologut të tij Vladimir Putin, rreth situatës së fundit të krijuar nga ai që po quhet rebelimi ushtarak I Yevgeni Prigozhin. Sipas mediave në fjalë, Erdogan ka mbështetur Putin në vendimet e tij, një sinjal ky shumë i rëndësishëm që tregon interesin e Ankarasë zyrtare për të mos lejuar ndryshimin e raporteve gjeopolitike në Europën Lindore.

Materiali luftarak i kapur në Zveçlan nga policia e Kosovës.

Here you can get a clearer picture of the scale of weapons, explosive devices, and ammunition seized from the foiled terrorist attack in Zvecan, Kosovo yesterday.pic.twitter.com/5x85wHTRkY

— Admirim (@admirim) June 24, 2023