Blloku Bota

Shtetet e Bashkuara të Amerikës kanë dhënë garanci direkte dhe të nivelit të lartë ndaj Rusisë se nuk kanë patur asnjë rol në revoltën e Jevgeni Prigozhinit dhe grupit të tij “Wagner”. Agjencia ruse e lajmeve “Tass” i ka lënë vend një lajmi të “The Wall Street Journal”, sipas të cilës kreu i CIA-s, William Burns ka telefonuar personalisht kreun e shërbimit rus të zbulimit Sergey Naryshkin.

Vendimi për largimin e shefit të Shtabit të Përgjithshëm të ushtrisë britanike ka shkaktuar reagim të ashpër ndaj Ministrisë së Mbrojtjes, mes një debati që ka përfshirë ushtrinë për shkurtimin e trupave.

Gjenerali Sir Patrick Sanders do të largohet nga detyra vitin e ardhshëm, pavarësisht se e ka marrë detyrën në qershor 2022.

SHBA, Britania e Madhe dhe Gjermania kanë reaguar përmes selive të tyre diplomatike dhe Ministrive të Jashtme për vendimin e fundit të qeverisë Kurti në Prishtinë që shpalli si terroriste dy organizata serbe. Të trija vendet ankohen se qeveria Kurti nuk është koordinuar me ta, çka lë të kuptohet se vendimi në fjalë hyn si argument në listën e argumenteve serbe kur vjen puna te ndërmjetësimi i dialogut.(E kemi pak si pa qejf xhaxhi Sandrin). 

Kancelari gjerman, Olaf Scholz, thotë se rebelimi i grupit Wagner nxori në pah rrezikun e transferimit të fuqisë ushtarake në duart e privatëve.

"Sigurisht, ajo që ndodhi në Rusi do të luajë një rol [në samit]. Është tejet e qartë se transferimi i pushtetit ushtarak në duar private është i papërgjegjshëm. Është shumë e rrezikshme", vuri në dukje ai.

Sipas tij, Perëndimi e kishte informacionin për atë që do të ndodhte dhe po i ndiqte nga afër ngjarjet e 24 qershorit pa ndërhyrë.

Dorëheqja e Alexis Tsipras nga drejtimi i Syrizas ka hapur lojën e pasuesit të tij. Gazeta e djathtë greke, “Kathimerini” shkruan se ndër emrat kryesorë për ta zëvendësuar Tsipras janë Efi Achtsioglou, që ka qenë minister e Punës në vitet 2016-2019 dhe është 38 vjeç.

“Politico” shkruan sot se Jens Stoltenberg do të mbetet në detyrën e Sekretarit të Përgjithshëm të NATO-s edhe për një vit. 

I dërguari i Rusisë në OKB, Vasily Nebenzya, kritikoi gatishmërinë e organizatës për të asistuar Ukrainën, duke bërë një krahasim me asistencën në rastet e krizave humanitare.

Nebenzya tha se fondet që OKB-ja ka mbledhur deri më tani këtë vit për të ndihmuar njerëzit në nevojë anembanë globit përbëjnë vetëm 20% të shumës që SHBA dhe aleatët e saj shpenzuan për armë për Ukrainën.

Ish-kryeministri i Greqisë, kreu i Syrizas-s, Alexis Tsipras, ka dhënë dorëheqjen nga drejtimi i partisë. Lajmi është publikuar nga mediat greke sipas të cilave Tsipras ka pranuar se largimi është e vetmja mënyrë për të rigjallëruar partinë pas humbjes së thellë në zgjedhjet e fundit.

E kuptoj nevojën për një valë të re në Syriza. Dhe kam vendosur të hiqm mënjanë. Kam besim në kapitalin njerëzor të partisë sonë, në forcat e pashtershme të shoqërisë dhe të së majtës

 Vrasja e një 17 vjeçari në Francë nga forcat e policisë ka provokuar një valë të madhe protestash të dhunshme të cilat nga ana e tyre kanë sjellë në qendër të debatit politik sjelljen e policisë.

Për t’iu përgjigjur reagimeve masive autoritetet kanë vendosur dislokimin e 40 000 trupa policore, një masë kjo e jashtëzakonshme.

Hyrja në Moskë ishte vetëm hapi i parë i planit të Yevgeny Prigozhin, lideri i grupit Wagner, i cili fundjavën e kaluar u rebelua papritur, duke iu kthyer kundër presidentit rus. Dy nga udhëheqësit kryesorë ushtarakë të Rusisë ishin objektivi pas hyrjes në kryeqytetin rus.