Blloku Bota

Presidenti i Bjellorusisë shpalli "gatishmërinë luftarake" të vendit të tij gjatë revoltës jetëshkurtër të organizuar nga grupi Wagner. Lukashenko i tha gazetës shtetërore Belta se përpjekja për rebelim të mercenarëve të grupit Wagner kërcënoi sigurinë kombëtare të vendit dhe kërkoi gatishmëri ushtarake.

Ka nisur sot misionin e vet ndërmjetësues për paqe, kardinal Matteo Zupi, i dërguar i Papa Françeskut, i cili që nga dita e djeshme ndodhet në Moskë. Ai do të qëndrojnë në kryeqytetin rus deri në datën 29 qershor dhe ka si synim kryesor “kontributin humanitar për kërkimin e një rrugëdaljeje nga situata e tanishme tragjike dhe arritjen e paqes”.

Serbët paralajmërojnë zhvillime në Kosovë. Kanë ruajtur datën e 28 qershorit për këtë ku pritet të zbulohet edbe një dokument i ri. Mediat në Kosovë njoftojnë se në Mitrovicë është publikuar ajo që po quhet Deklarata e Vidovanit, që flet për një dramë serbe në mes të Europës. 

Agjencia kryesore e inteligjencës zvicerane, Shërbimi Federal i Inteligjencës (FIS), thotë se Zvicra është kthyer në një pikë të rëndësishme për spiunazhin rus. Sipas një raporti të fundit, një e treta e 220 zyrtarëve që Rusia ka akredituar në Zvicër, dyshohet se janë spiunë.

Dëbimet e trupave diplomatike dhe elementëve të tjerë nga vende të Europës dhe Amerikës së Veriut e kanë dobësuar spiunazhin rus në ëto vende, por në Bernë, sipas raportit, ai vijon i pashqetësuar.

Hetimi penal ndaj Prigozhin është mbyllur. Kështu njoftoi sot Shërbimi Federal i Sigurisë në Rusi, cituar nga mediat ruse. Njoftimi ka ardhur një ditë pasi mediat në Rusi, përfshirë agjencinë shtetërore Tass, deklaruan se hetimi do të vazhdonte ndaj kreut të grupit “Wagner”.

Rusia po sheh përherë e më shumë nga Kina si garantues për atë që përkufizohet se mbrojtje strategjike ndaj planeve dominuese të Perëndimit. Në konferencën e tetët ndërkombëtare me temë “Rusia dhe Kina: Bashkëpunimi në në Erë të Re”, organizuar nga Këshilli Rus për Çështjet Ndërkombëtare dhe Akademia kineze e Shkencave Sociale, është diskutuar mbi atë që po ndodh aktualish në hapësirën euraziatike.

Në këtë kuadër ambasadori rus në Pekin, Igor Morgulov ka vlerësuar se:

Dy ditë pas kryengritjes së grupit "Wagner", të cilën e quajti “tradhti nga brenda”, presidenti rus doli sërish në një deklaratë drejtuar kombit, për të njoftuar se rreziku ka kaluar dhe përpjekjet "kriminale" për të krijuar trazira kanë dështuar dhe vendi është "shpëtuar nga shkatërrimi" falë besnikërisë së shërbimeve të saj ushtarake dhe atyre të sigurisë.

Një postim i Ministrisë së Jashtme Ruse paralajmëron se lufta e Ukrainës do të ketë fatin e asaj të Irakut, Vietnamit dhe përpjekjes së dështuar kundër Fidel Kastros në Kubë.

Në Tuiter, Ministria e Jashtme e Rusisë shprehet se luftërat që kanë pasur pas SHBA-të kanë përfunduar të gjitha me kosto të rënda financiare dhe njerëzore, duke shtuar se së shpejti atyre do t’u bashkohet edhe lufta në Ukrainë.

Katër mijë ushtarë gjermanë do të dislokohen në Lituani. Lajmin e bëri të ditur vetë ministri gjerman i Mbrojtjes, Boris Pistorius, të cilit i referohet Politico. Trupat do të dislokohen në mënyrë permanente, çka do të thotë se paraprakisht duhet ndërtuar infrastruktura dhe objektet e trajnimit.

Krahas kokainës, një treg i lulëzuar në mbarë botën, edhe metamfetamina po zgjeron hartën e përdoruesve. Krahas tregjeve të konsoliduara, për metamfetaminën po krijohen zona të reja interesi, ndërsa Afganistani është shtuar në listën e vendeve prodhuese.

Sipas raportit të fundit të OKB-së, numri i njerëzve që marrin drogë është rritur me 23% gjatë dekadës së fundit. Në vitin 2021, viti i fundit për të cilin ka të dhëna, rezultonin përdorues të drogës plot 296 milionë njerëz, ndërsa në vitin 2011 ishin 240 milionë përdorues.