Blloku Bota

Presidenti kinez, Xi Jinping, ka kërkuar ndihmën e Gjermanisë në funksion të ndaljes së luftës tregtare që Europa po i bën vendit të tij. Jinping ka zhvilluar një bisedë virtuale me kancelarin Olaf Scholz të cilit i kërkoi që Gjermania të qëndrojnë e hapur për investimet kineze.

Shpresoj që Gjermania do të nxisë BE-në t’u përmbahet parimeve të tregu dhe ndershmërisë dhe të punojë me Kinën për të ruajtur konkurencën e ndershme dhe tregtinë e ndershme, si dhe zinxhirin industrial

Përdorimi i bombës bërthamore në Gaza është një mundësi reale për një ministër në qeverinë e Izraelit. Amichai Eliyahu, ministri i Trashëgimisë, la të kuptohet se kjo mund të ishte një zgjidhje për konfliktin ndërsa fliste në një intervistë me radion Kol Berama, të cilës i referohet Times of Israel.  

I pyetur nëse Izraeli mund të hedhë një bombë atomike në enklavën palestineze, ai u përgjigj se "kjo është një nga mundësitë".

Rusia ka njoftuar se ka kryer me sukses testin e lëshimit të raketave ndërkontinentale “Bulava” nga nëndetësja më e re bërthamore e flotës ruse, “Perandori Aleksandër III”.

Nëndetësja në fjalë nisi ndërtimin në dhjetor 2022 dhe ka bërë tashmë testin e parë, që presupozon inkuadrimin e saj në misione ushtarake. E klasit “Borei”, nëndetësja në fjalë mban 16 raketa ndërkontinentale dhe silura moderne nënujore.

Është zhvilluar në Britaninë e Madhe samiti i parë për sigurinë ndaj kërcënimeve ndaj inteligjencës artificiale. Me këtë rast raportohet se është nënshkruar edhe një marrëveshje e parë ndërkombëtare, të cilën e kanë firmosur kompani dhe qeveri nga 28 vende të ndryshme. Rreziqet që përfaqëson Inteligjenca Artficiale janë cilësuar si katastrofike.

Televizioni opozitar serb ka transmetuar së fundmi një dokumentar mbi karrierën dhe politikën e Aleksander Vuçiç, president i Serbisë. Njeriu që sot drejtone Serbinë ka origjinën e vet politike në skajet e politikës së vendit të tij dhe strehën e parë pati radikalizimin karakteristik të viteve ’90.

Ish-kreu i shërbimit sekret izraelit, Mossad, Efraim Halevy, shprehet në një intervistë për gazetën greke “Kathimerini” se depërtimi i Hamasit nga Gaza më 7 tetor nuk mund të faturihet si dështim për organizatën izraelite.

Presidenti i Turqisë, Recep Tayyip Erdogan, ka deklaruar se ka shkëputur kontaktet me kryeministrin izraelit, Beniamin Netanyahu, për të cili është shprehur se “nuk është më njeriu me të cilin mund të flasim”.

E kemi fshirë nga lista

citojnë mediat turke Erdogan.

Presidenti rus Vladimir Putin mendon se vendi më i korruptuar në botë është Ukraina. Mirëpo a mund të cilësohet kjo një ndërhyrje në punët e brendshme të një vendi tjetër? Parim ky themelor i retorikës ruse në politikën e jashtme. Me gjasë jo, sepse rekordi i dikujt zgjon përherë kuriozitetin e shumëkujt.

Në Rusi kemi shumë probleme. Ne në Rusi dhe në mbarë botën po luftojmë korrupsionin, por korrupsioni në Ukrainë ka marrë një jetë të vetën – nuk ka një gjë të tillë në mbarë botën, më besoni.

Gazeta “Danas” në Serbi është vënë në qendër të sulmeve verbale nga kryeministrja Ana Brnabiç që e ka cilësuar atë si një mjet që përdor gjuhë urrejtjeje. Shkak është bërë një artikull i gazetës që risjell në vëmendje një histori të pësrëritur me një shqiptar të quajtur Fahri Musliu që shpallet si babai biologjik i presidentit serb. Gazeta ka shkruar në mënyrë të tërthortë, duke e bërë disi të ulët goditjen pasi ka vendosur titullin: "Një shqiptar në Beograd.

Kryeministri i Kosovës, Albin Kurti ka sqaruar sot në Parlamentin e vendit se pse ka pranuar draft statutin për Asocacionin e komunave me shumicë serbe dhe pse sipas tij, ky propozim dallon nga marrëveshjet e viteve 2013-2015.