Blloku Bota

Bashkimi Europian kan nevojë për 1 milionë emigrantë çdo vit për të kompensuar rënien demografike. Komentet janë bërë në Athinë nga Komisionerja për Çëstjet e Brendshme, Ylva Johanson sipas së cilës kaq është shifra e uljes vjetore të popullsisë së aftë për punë në kontinent.

Kjo do të thotë se imigracioni legal duhet të rritet pak a shumë me një million për çdo vit dhe kjo është një sfidë e vërtetë për ta bërë në mënyrë të rregullt. Çdo vit në Europë vijnë 3.5 milionë imigrantë të rregullt krahasuar 300 000 që janë të parregullt

Ipeshkvi i Maltës Charles Scicluna ka deklaruar gjatë një interviste të fundit se Kisha Katolike duhetë konsiderojë seriozisht martesën e priftërinjve. 

Kjo është hera e parë që po e them publikisht dhe disa njerëzve do t’u tingëllojë heretike

citohet ai nga “Reuters” që vë në dukje statusin e tij si këshilltar i Papa Françeskut, por edhe një ndër sekretarët e Zyrës së Vatikanit për Doktrinën. 

Angelos Syrigos, një deputet i Demokracisë së Re në Greqi, dhe profesor i Asociuar për Ligjin Ndërkombëtar dhe Politikën e Jashtme, ka komentuar së fundmi në “Kathimerini” raportet turko-greke në suazën e detyrimeve dhe rregullimeve të Traktatit të Lozanës. Traktat i cili u vu në diskutim dhe u kërkua të rishikohej vitin që lamë pas nga presidenti turk, Reccep Tayyip Erdogan.

Projekti i një hoteli luksoz rrezikon një lagje armene në Jeruzalem. Në një cep të qytetit të vjetër të Jeruzalemit pranë Katedrales së Shën Jakobit, të mbijetuarit e gjenocidit armen gjetën strehë më shumë se njëqind vjet më parë.

Por në vitin 2021 një investitor hebre-australian nënshkroi një marrëveshje me një përfaqësues të klerit armen për të ndërtuar një hotel luksoz.

Banorët e lagjes së vjetër janë ngritur kundër këtij plani.

Izraeli ka bërë publike detaje të një plani për sundimin e Gazës pas luftës.

Një avokat britanik do të pëfaqësojë Izraelin në Gjykatën Ndërkombëtare të Drejtësisë, ku përballet me pretendimin për gjenocid.

Profesor Malcolm Shaw KC, ekspert i mosmarrëveshjeve territoriale dhe autor i disa botimeve mbi ligjin e gjenocidit, është diplomuar në Universitetin e Liverpulit dhe në Universitetin Hebraik të Jerusalemit.

Kreu i Komitetit Parlamentar serb për Kosovën, Milovan Drecun, ka deklaruar se projekti i Prishtinës për të vendosur sistemin e shërbimit të detyrueshëm ushtarak përfaqëson një hap kërcënues për serbët në shtetin në fjalë. Drecun ka folur për këtë gjë, ndonëse vetë ka pranuar se projekti i Prishtinës parashikohet të miratohet në vitin 2028, ndërkohë që Serbia vetëm dje hapi procedurën e miratimit të të njëjtit shërbim në shtetin e vet.

Stefanos Kasselakis, kreu i ri i Syrizas, po pagëzon hyrjen e vet në politikë me tre akte: së pari ai u zgjodh dhe katapultua nga Alexis Tsipras, së dyti kërkoi përjashtimin e disa anëtarëve të drejtimit të partisë dhe së treti po flet në emër të shoqërisë greke, “etjes së saj për të legalizuar martesën brenda të njëjtit seks”.

Politikani serb Nikola Sanduloviç është rrahur sot në një akt që dyshohet se ka të bëjë me qëndrimet e tij për Kosovën. Avokati i tij, Çedomir Stojkoviç dhe familjarët e vet njoftojnë se ai është mbajtur 4 orë nga shërbimet sekrete serbe që e kanë rrahur dhe mandej e kanë çuar në spitalin ushtarak të beogradit. Avokati Stojkoviç e lidhe dhunën e ushtruar me një skenar të përgatitur që ka nisur me hapjen e një fushate mediatike me gjuhë urrejtjeje kundër tij.

Para të gjeneruara përmes aktivitetit kriminal në Itali, që më pas pastrohen në vende të tjera të Europës, për t’u rikthyer sërish në vendin e origjinës si investime në sektorin e pasurive të paluajtshme. Skema e njohur lidhet me Ndrangheta-n, një nga organizatat kriminale më të fuqishme në Europë.  

Ndrangheta, shumë më e strukturuar dhe e pranishme në nivel ndërkombëtar, ka arritur të transformohet dhe të evoluojë me kalimin e kohës, duke shkuar përtej kufijve të organizatës kriminale kalabreze, e cila financohej përmes rrëmbimeve.