Blloku Bota

Vladimir Putin mund të sulmojë aleancën ushtarake të NATO-s në më pak se një dekadë, paralajmëron ministri gjerman i Mbrojtjes, Boris Pistorius.

"Ne dëgjojmë kërcënime nga Kremlini pothuajse çdo ditë ... kështu që duhet të kemi parasysh se Vladimir Putin mund të sulmojë edhe një vend të NATO-s një ditë," i tha Pistorius gazetës gjermane Der Tagesspiegel..

Gjykata më e lartë e Polonisë e cilësoi antikushtetues vendimin e kryeministrit të ri polak për të shkarkuar drejtuesit e televizionit, radios dhe agjencisë shtetërore të lajmeve, vetëm pak ditë pasi mori drejtimin e qeverisë.

Që kur drejtimin e qeverisë në Tajlandë e mori Srettha Thavisin, lufta kundër marijuanës ka qenë kryefjala e fjalimeve të saj. Ligji i miratuar një vit më parë, i cili liberalizoi përdorimin e marijuanës, ka gjasa të anulohet. Pheu Thai, partia në pushtet, ka paraqitur një projektligj për të ndaluar përdorimin rekreativ të kanabisit, duke e kufizuar atë vetëm te përdorimi mjekësor.

Ministri i Jashtëm britanik David Cameron e ka cilësuar sfidën e tanishme të Europës dhe Perëndimit në Ukrainë si “një sfidë për brezin tonë”. Sipas tij lufta në këtë vend mbetet absolutisht prioriteti numër një për Britaninë dhe sigurinë e Europës dhe opsioni i lëshimit ndaj Kremlinit përjashtohet.

Senati amerikan hodhi poshtë nismën e Bernie Sanders, e cila parashikon mbështetjen ushtarake ose jo ndaj Izraelit, në varësi të konstatimit nëse po shkelen të drejtat e njeriut apo ligjet ndërkombëtare në Gaza.

Vetëm 11 senatorë e mbështetën propozimin e Sanders, ndërsa 72 të tjerë votuan kundër.

Edhe pse rezoluta u hodh poshtë lehtësisht, ajo përbën një test që reflekton mosmarrëveshjet mes demokratëve amerikanë për mbështetjen e Izraelit.

Një shkrim i publikuar së fundmi me autor juristin egjiptian Mohammad El Baradei ka vënë në dukje me forcë atë që sinjalizon një konflikt si ky i Gazas: Rënien e rendit ndërkombëtar ashtu siç jemi mësuar ta shohim në këto dekada.

Kryeministri i ri i Luksemburgut, Luc Frieden, ka një plan për ta shpëtuar BE-në nga Viktor Orban, një dhimbje koke për Brukselin gjatë mandateve të tij qeverisëse në Hungari.

Frieden shpreson të ndërtojë ura të reja midis vendeve anëtare – mes të cilave edhe Hungaria.

Irani ka deklaruar se ka goditur “një qendër izrealite spiunazhi” pranë konsullatës amerikane në Irbil të Irakut, duke sinjalizuar kështu se veprimet e Jeruzalemit nuk do të kalojnë pa përgjigje. Qendra është goditur me raketa iraniane, duke njoftuar kështu qartazi se Teherani po analizon opsionin ushtarak me Izraelin në të gjithë avantpostet e tyre në Lindjen e Mesme.

Agjencia e lajmeve së Serbisë, “Tanjug” raporton për një takim mes kreut të Zyrës për Kosovën në qeverinë serbe, Petar Petkoviç, me Danica Marinkoviç, që “zhvilloi hetime në skenën e krimit pas 15 janarit 1999, ku ndodhën përplasje me armë në Raçak të Kosovës”. Për zyrtarin serb roli i Marinkoviç është esencial në zbulimin e së vërtetës dhe se ajo do t’i mbetet trashëgimi të ardhmes.

Raportuesja për Kosovën në Parlamentin Evropian, Viola Von Cramon, ka bërë thirrje që masat e marra pas krizës së verës së shkuar të hiqen.

Masat duhet të hiqen sepse kemi dëm kolateral dhe kryetarët e komunave të cilët dëshirojnë të aplikojnë për fonde të Bashkimit Evropian janë duke vuajtur për arsye të këtyre masave. Unë jam kundër dhe do të jem kundër dhe shpresoj që të largojmë këto masa sa më shpejt që të është e mundur. Jo të gjithë janë të lumtur me performancën, me të drejtë mendoj se duke krahasuar me shtetet tjera nuk është fer fare