Blloku Alternative

Gazeta italiane “Corriere della Sera” i ka lënë vend një incidenti tipik të këtyre kohëve që ka të ëbjë me turistët. Ajo publikon një kupon tatimor me shifër për t’u paguar 81.40 euro. Dy turistët kanë qenë në Vatikan dhe janë ulur të marrin diçka në Romë. Kjo diçka është dy hamburger që kanë kushtuar 50 euro, dy kapuçino për 16 euro, një kafe amerikane 8 euro plus shërbimin që shkon 7.40 euro.

Në fund paguan eurot dhe të mbetet vetëm të thërrasësh: Viva l’Italia!

Episodi më kinematografik i protestës së opozitës ishte padyshim rrëzimi i Sait Dollapit, Sekretarit Organizativ të Partisë Demokratike në tentativë për t’i ikur me vrap mësymjes nga “sampistët” e Lleshit.

Në fakt e gjithë skena ishte tipike e një protestuesi që nuk ka rrugë tjetër veçse t’ia mbathë përpara se të bjerë në duart e “xhelatëve”. Duhet pranuar se ky moment ka anën e vet komike, ku burrëria nuk pi shumë ujë dhe ku këmbët i lëviz frika.

Revista gjermane “Spiegel” publikon së fundmi intervistën me Irmgard Ruppel, e cila është e vetmja e mbijetuar e atij që quhet si Rrethi Solf. Ky i fundit ishte një grupim informal intelektualësh dhe aristokratësh që i kundërvisheshin regjimit nazist dhe që në përgjithësi kryente aktivitete propagandistike në rreth të ngushtë.

Dokumente të deklasifikuara të FBI zbulojnë se Byroja Federale e Hetimeve nuk ishte e bindur për vdekjen e Adolf Hitlerit dhe se kishte vazhduar kërkimet për vendndodhjen e tij në Argjentinë.

Hitleri u vetëvra në Berlin më 30 prill, 1945, por që atëherë ka patur spekulime të vazhdueshme se ai nuk kishte vdekur më  të vërtetë dhe se i ishte dashur të largohej nga Gjermania për të shmangur arrestimin nga forcat e koalicionit. Pesë muaj pas kësaj ngjarje FBI ishte duke shqyrtuar informacionin se Hitleri kishte ikur në Argjentinë me nëndetëse.

Netflix u është përgjigjur kritikave të ashpra për pamjet tronditëse në dokumentarin “Our Planet”, ku ilustroheshin pasojat tragjike të ndryshimeve klimatike.

Në video duken disa lopë deti të ngujuara  në një masiv shkëmbor pas shkrirjes së akullnajave në Polin e Veriut. Ato kanë humbur sensin e territorit dhe në tentativë për të zbritur bien nga një lartësi e madhe.

Apple ka qenë prej vitesh kompania më fitimprurëse në botë. Por, stafetën e ka marrë kompania shtetërore e naftës në Arabinë Saudite, “Saudi Aramco”, e cila është duke u përgatitur të futet në bursë.

Kompania u detyrua të publikojë të dhënat financiare, të cilat u vlerësuan nga Moody. Fitimet e Saudi Aramco llogariten në  111.1 miliardë $ në 2018.

Brukseli bëhet kryeqyteti i parë që ndalon rrjetin 5G për shkak të efekteve shëndetësore. Lajmi është konfirmuar nga Céline Fremault, ministre e Qeverisë për Rajonin e Brukselit, përgjegjëse për Strehimin, Cilësinë e Jetës, Mjedisit dhe Energjinë.

“Nuk mund t’i hapim derën kësaj teknologjie, nëse standardet e rrezatimit nuk respektohen. Qofshin këto 5G ose jo. Qytetarët e Brukselit nuk janë derra, shëndetin e të cilit mund ta shes për përfitime financiare. Nuk mund t’i lëmë asgjë dyshimit”, është shprehur ajo.    

Gjermania, Bordello e Europës...Ky është titulli i revistës franceze Le Point për prostitucionin në vendet e Europës. Sipas saj, brenda 15 vjetësh Gjermania është kthyer në "bordellon më të madh të Europës" me nxitjen më të madhe në tregun e prostitucionit. Revista citon aspekte të organizatës Gewerbe Deutschland (UEGD), që përfaqëson interesat e industrisë së prostitucionit.

Modelja greke Georgia Kaltsi ka marrë pjesë në një paradë mode në Athinë ku ka sfiluar në karrocën me katër rrota. Ajo pësoi një aksident në vitin 2015 që e paaftësoi për të ecur por nuk e dekurajoi të ndjekë pasionet e jetës së vet si skitë, kanoet dhe noti.

Facebook pranoi një tjetër skandal me të dhënat e përdoruesve të saj. Kështu miliona fjalëkalime të përdoruesve janë ruajtur të pakriptuara në serverët e brendshëm dhe të ekspozuar ndaj mijëra punonjësve të kompanisë.

Kodet, disa prej të cilave datojnë që nga viti 2012, ishin të arritshme për gati 20,000 punonjës, sipas blogut të KrebsOnSecurity që merret me çështjet e sigurisë në internet, i cili ishte i pari që zbuloi skandalin më të fundit të platformës popullore.