Blloku Alternative

Në vitin 1977 u diagnostikua rasti i fundit i lisë. Viktima ishte Ali Maow Maalin nga Somalia. Organizata Botërore e Shëndetit gjurmoi çdo person me të cilin ai kishte pasur kontakte ballë për ballë, për t’i vaksinuar të gjithë dhe për të gjetur këdo që mund ta kishte marrë virusin. Fatmirësisht, ata nuk gjetën asnjë të tillë. Maalin u shërua dhe lia u duk se kishte ikur njëherë e përgjithmonë.

Një kronikë e vitit 1969 e RAI-t sjell disa grimca nga epidemia e Hong Kongut, gripit që u përhap gjerësisht dhe pati pasoja. Njësoj sot edhe atëherë, Italia u godit rëndë: 13 milionë të infektuar, 5000 të vdekur.
Pak a shumë e njëjta situatë me tani, kur koronavirusi po godet me shpejtësi dhe për një koincidencë e ka prekur sërish Italinë jo pak.

Konteja Haskell, në Kansas, shtrihet në cepin jugperëndimor të shtetit, afër Oklahomas dhe Kolorados. Në vitin 1918, shtëpitë e rrethuara nga lëndina me bar ishin ende të zakonshme. Ishte një vend bagëtish - një fermë e falimentuar që dikur kishte 30 000 kokë - por fermerët e Haskellit rrisnin derra, që është një shkak i mundshëm për krizën që do të terrorizonte botën atë vit. Një tjetër shkak mund të ketë qenë fakti se konteja shtrihet në një zonë ku kanë rrugën 17 lloje shpendësh migratore, përfshirë lejlekët dhe rosat e egra.

Shumëkush mund ta ketë lexuar historinë e Otto Witte, një klloun gjerman që më 1913 u shpall mbret për dy ditë dhe mandej iku para se të zbulohej identiteti i vërtetë i tij. Një histori e ngjashme ka ndodhur pak më vonë edhe me Britaninë e Madhe, ndonëse perandoria sigurisht nuk ngatërroi monarkun e vet, por fliste në rrugë zyrtare për një person që nuk ekzistonte. Incidenti zë fill me Luftën Civile ruse, që nisi pas vitit 1917, pra Revolucionit Bolshevik.

Ministria ruse e Mbrojtjes ka zbardhur këto ditë disa dokumente të papublikuara më parë për operacionin e çlirimit të kryeqytetit hyngarez, Budapest nga pushtimi nazist. Sovjetikët e morën Budapestin pas 108 ditësh luftimesh, duke nisur që nga fundi i tetorit 1944. Sipas disa historianëve rusë operacioni ishte i dyti për nga kohëzgjatja pas operacionit të Leningradit dhe I dyti pas Stalingradit për nga egërsia e luftimeve.

Sa më lart steka, aq më e madhe edhe fatura edhe e gabimit më të vogël. Ndodh me revistën e njohur gjermane “Der Spiegel” e cila në pak ditë regjistron dy gabime; njëri jo dhe aq i madh. Pak ditë më parë, revista u detyrua të kërkonte falje për një shkrim ku sipas saj kampi i përqendrimit të Auschwitz-Birkenaut u çlirua nga forcat amerikane, kur në fakt ishin trupat sovjetike që e bënë një gjë të tillë.

Reperi i njohur Eminem ka thyer rekordin e shpejtësisë në regjistrim me këngën e tij Godzilla, pjesë e albumit të ri “Music to be murdered by”.

Në 30 sekondat e fundit të saj, Eminem arrin të nxjerrë 224 fjalë me 330 rrokje që do të thotë 10.65 rrokje dhe 7.23 fjalë për sekondë. 

Kjo kalon rekordin e mëparshëm të tij me “Majesty” ku ai artikulon në stil rap 123 rrokje dhe 85 fjalë në 12 sekonda, me mesatare 10.3 rrokje dhe 7.08 fjalë për sekondë. 

Kënga ka njohur sukses në shikueshmëri që në nisje dhe në Youtube ajo ka aktualisht 10 milionë shikime.