Qendra amerikane për Kontrollin dhe Parandalimin e Sëmundjeve raporton se koronavirusi i ri që ka mbërthyer botën në pandemi ka një shkallë infektimi të lartë; numri i të prekurve dyfishohet në çdo 6-7 ditë. Në këtë kuptim qendra apelon për masa të forta në mënyrë që të shmanget mbingarkesa dhe pastaj kolapsi i sistemeve shëndetësore në vendet përkatëse.

Jemi në luftë, përsërit çdo ditë kryeministri Edi Rama. 
Për ta mbrojtur mesazhin e vet sot foli anglisht dhe frëngjisht duke cituar Macron dhe Trump. 

Në këtë luftë ai po ofron ndalim qarkullimin, përshkallëzim masash shtrënguese që në fakt nuk vijnë në relacion me përhapjen në Shqipëri, që raportohet e ulët, por me projeksionet e Italisë. E cila sot ka shifër më të lartë të vdekurish. 

Shqiptarët ndryshe nga shumë popuj të tjerë që janë prekur nga koronavirusi po e sfidojnë pandeminë, pavarësisht masave kufizuese dhe ndalimit të lëvizjes.

Me urdhër të qeverisë u mbyllën lokalet dhe kafenetë, call-centerat dhe të tjera aktivitete biznesi, që angazhojnë numër të madh punëtorësh. 

Por jo të gjithë e kanë ndalur punën. Farmacitë, furrat e bukës dhe supermarketet vijojnë të jenë në dispozicion të qytetarëve për mallrat dhe produktet që u nevojiten.

Funksionimi i këtyre bizneseve është i detyrueshëm për të mos ndërprerë ciklin e furnizimit me mallra.

Situata e krijuar nga përhapja e Covid-19 i ka vënë shumë vende të botës para pikëpyetjes se si duhet ta trajtojnë për të minimizuar numrin e të prekurve dhe për të shmangur koalpsin e spitaleve. Mjeku hematolog, Arben Ivanaj, në një intervistë në studion e TvT, tha se mbetet për t’u parë se cila nga strategjitë e ndjekura nga vende të ndryshme do të rezultojë më efektive, por në këto kushte më e mira është vetëizolimi.

Testimi masiv duket se është një strategji më efikase në përballimin e pandemisë.

Mediat raportojnë se në Vo, një qytet afër Venecias, ka eksperimentuar testimin etë gjithë banorëve që janë 3 300 dhe ka izoluar rreptësisht ata që kanë rezultuar pozitiv.

Ndonëse pjesë e valës së goditjes pandemike në Itali, Vo aktualisht ka zero raportime të reja, pikërisht për këtë shkak.

Testimi ishte jetik, shpëtoi shumë jetë

Në stepat e Rusisë është zbuluar një strukturë 25 mijë vjeçare e ndërtuar me eshtrat e 60 mamuthëve. Struktura është rrethore dhe ka diemaetër 13 m. Shkencëtarët nuk arrijnë të japin një shpjegim për këtë strukturë e cila përkon me Epokën Akullnajore, por përpjekja dhe puna për ta ndërtuar atë flet për rëndësinë që ka patur për njerëzit e asaj kohe.

Komisioni Europian ka propozuar amendimin e legjislacionit ekzistues të BE-së me synim adresimin e Fondeve të Solidaritetit për vendet anëtare dhe ato që janë në proces negociimi në përballjen e krizës së koronavirusit.

Kriza me të cilën ne përballemi ka si rëndësi njerzore ashtu edhe potencialin e një impakti të madh ekonomik. Si pjesë e një përgjigjeje të koordinuar, Fondi i Solidaritetit të BE-së mund të luajë një rol të rëndësishëm në dëshmin e solidaritetit në BE për vendet anëatre në përballje me këtë situatë emergjente

Kryeministri ka kërkuar nga biznesi i madh që të kontribuojë për atë që ai e quajti Luftë kundër pandemisë.

Duke folur për këtë çështje, z. Rama ka zgjedhur të kërcënojë hapur teksa ka thënë se në luftën e saponisur ka prioritete. Sipas tij biznesi i madh dhe biznesmenët kryesorë duhet të kujtojnë se vitin që lamë pas kanë marrë një shumë të madhe nga dividenti dhe duke thënë këtë ai ka kërkuar që këto shuma të mos shkojnë për makina dhe pushim por për të financuar luftën që po zhvillohet.

Kryeministri Edi Rama është shfaqur sot në një lidhje televizive përmes së cilës ka folur për situatën e krijuar nga pandemia e tanishme e coronavirusit. Zoti Rama ka thënë se numrat në Shqipëri do të rriten, por sipas tij që duhet bërë çmos që të ruhet një rritje graduale dhe jo eksponenciale e cila do të vendoste sistemin shëndetësor përpara pamundësisë për trajtim. Kryeministri nuk ka pranuar të zbulojë diçka për paketën e ndihmës ekonomike.

Nuk jemi në situatën që deti të bëhet kos, por do të kursejmë edhe kosin që kemi

Teksa ditët po kalojnë nën presionin dhe tiraninë e një virusi pandemik, e ke më të lehtë të kuptosh arsyet se përse një shoqëri kaq e vogël numerikisht e përjeton diskutimin publik si një luftë civile permanente. 

E ke më të thjeshtë të kuptosh se përse që nga krijimi i këtij shteti nuk është gjerur dot konsensusi dhe se bashkëjetesa është tamam siç e përkufizonte Esad Pashë Toptani, “një ekuilibër të urrejtjes”.