Debati që ka hapur në Shqipëri pretendimi i kreut të opozitës për fshehjen e vdekjeve nga Covid-19, në SHBA ka nisur disa muaj më parë.

Kreu i Partisë Demokratike, Lulzim Basha, mblodhi sot në një takim një grup mjekësh specialistë për të folur rreth situatës së krijuar nga pandemia.

Mjekët pranë PD analizuan disa aspekte të situatës së Covid-19, mes të cilave edhe diagnostikimi i rasteve me Covid-19. Për mjekun Lutfi Lisha, i cili duke iu drejtuar Bashës me “kryetar” e mori fjalën i pari, tamponët mbeten e vetmja metodë diagnostikimi.

Partia Demokratike po këmbëngul në temën e fshehjes së vdekjeve nga CoVid-19 duke sjellë madje dëshmi konkrete qytetarësh. Sipas këtyre dëshmive spitali ka fshehur shkakun e vdekjes duke ngritur dyshime mbi certifikatat e vdekjes. PD-ja është një parti që ka burime të mjaftueshme për të sqaruar konkretisht se çfarë mund të ketë ndodhur, por në vend të kësaj ajo preferon të luajë politikisht me një skandal që nuk duket shumë i tillë. P.sh çdo qytetar që pretendon një manipulim me certifikatën e vdekjes, mund të kërkojë autopsinë. Dhe që aty sqarohet çdo gjë.

Po bën lajm në thuajse të gjitha mediat gjetja e një trupi metalik në shkretëtirën e Utah në SHBA që ngjan thuajse identikisht me monolitin metalik të përdorur në filmin e Stanley Kubrick, “2001: Odisea në hapësirë”. Objekti i pazakontë u konstatua nga përfaqësues të policisë së ruajtjes së rezervateve të jetës së egër gjatë një fluturimi me helikopter. Ende nuk dihet se çfarë përfaqëson apo se çfarëe materiali është, por lajmi tashmë ka ngacmuar kureshtjen e njerëzve.

Presidenti i Republikës, Ilir Meta ka paralajmëruar sot se procesi zgjedhor i 25 prillit në Shqipëri do të ketë probleme serioze dhe kontestime. Përmes një dekreti të vet, Meta ka kthyer për rishqyrtim ligjin “Për Policinë e Shtetit”, në të cilin paraqet disa arsye që kanë vlerë politike për zgjedhjet. Që në hyrje të arsyetimit, Presidenti e lidh procedurën e miratimit të ligjit në Kuvend, me procesin zgjedhor, duke hedhur dyshime mbi atë që e quan roli I Policisë në zgjedhje.

Kryeministri i vendit, Edi Rama ka njoftuar sot masat dhe përpjekjet e qeverisë për të blerë vaksinën anti-CoVid.

Kryeministri i Kosovës Avdullah Hoti ka thënë se në rast të mos dakordimit për çështjen e presidentit, atëherë vendi do të shkoj në zgjedhje. Hoti ka thënë se nëse ka vullnet nga partitë politike për zgjedhjen e presidentit të ri atëherë do të ulen të diskutojmë. Kryeministri ka konfirmuar se koalicioni qeverisës nuk i ka 80 vota të cilat nevojiten për zgjedhjen e presidentit të ri të Kosovës.

Dje, presidenti Donald Trump, postonte në tuiter këtë status:

Pse po formon kaq shpejt një cabinet Joe Biden kur hetuesit e mi kanë gjetur qindra mijëra vota të rreme, mjaftueshëm sa për të “përmbysur” të paktën katër shtete, të cilat janë më shumë se duhet për të fituar Zgjedhjet? Me shpresë se Gjykatat dhe/ose legjislatorët do të kenë Kurajën për të bërë çfarë duhet bërë për të ruajtur integritetin e zgjedhjeve tona dhe të vetë SHBA. BOTA PO SHEH!