Një javë pas dorëheqjes së Sandër Lleshajt, posti i ministrit të Brendshëm i besohet Bledi Çuçit. Nëpërmjet një postimi në Tuiter, kryeministri Rama njoftoi se do të çojë emrin e Çuçit për dekretim te presidenti Ilir Meta.

Zhvendosja e Çuçit në postin e ministrit të Brendshëm i ka dhënë postin e ministres Milva Ekonomit. Edhe emri i saj pritet të shkojë për dekretim te Meta.

Gjatë gjithë pandemisë, mjekët kanë vënë re një fenomen të  çuditshëm: Shumë njerëz të infektuar nga koronavirusi zhvillojnë miokardit, një inflamacion të zemrës që mund të shkaktojë dëmtime afatgjata dhe vdekje.

Prej një viti, shqetësimi kryesor në Ballkan në lidhje me integrimin ekonomik rajonal ka qenë - a është iniciativa mini-Shengen thjesht një zëvendësim për mungesën e angazhimit të BE-së, është një mjet për krijimin e një Jugosllavie të re apo është thjesht po përdoret për të zhvendosur vëmendjen larg zhgënjimit të shkaktuar nga shtyrja e hapjes së negociatave të pranimit në BE për Shqipërinë dhe Maqedoninë e Veriut.

Disa nga kritikët madje shkuan më tej duke e quajtur këtë iniciativë "një truk të lirë politik që do të dukej mirë vetëm në letër".

Në Shtetet e Bashkuara të Amerikës janë regjistruar më shumë vdekje nga COVID-19 sesa numri total i amerikanëve të vrarë në luftime gjatë Luftës së Dytë Botërore, lufta më e përgjakshme në histori.

Sipas Departamentit të Çështjeve të Veteranëve, SHBA-të  regjistruan 291 557 vdekje në beteja gjatë Luftës së Dytë Botërore. Nga e enjtja e javës së kaluar, kishte 291 754 vdekje nga COVID-19 në SHBA, sipas të dhënave të përpiluara nga Universiteti Johns Hopkins.

Pandemia e koronavirusit u kishte marrë jetën më shumë amerikanëve sesa Lufta e Vietnamit në fund të prillit.

“Gadishulli i Ballkanit prodhon më shumë histori sesa është në gjëndje të konsumojë”, thoshte dikur Çërçill. Padyshim, në rajonin ku në çdo shtet ka një ngastër shqiptare, nuk ka sesi të mendohet ndryshe. Jo për faktin se ngastrat janë etnikisht shqiptare por se është një rast unikal në botë ku një komb rrethohet nga vetëvetja.

Kryeministri Edi Rama mendon se protesta e fundit në Tiranë, me motiv formal vdekjen e Klodian Rashës është organizuar nga Sali Berisha dhe Ilir Meta. Në një bisedë me gazetarë, z. Rama ka delaruar se Lulzim Basha nuk ka dorë në këto protetsa, ndonëse sipas tij, kjo nuk e zhvesh atë nga përgjegjësitë.

Pandemia e Covid-19 ka lënë miliona njerëz pa punë dhe ka çuar shumë biznese në faliment. Por nëse për disa pandemia solli varfëri, për të tjerë ka rezultuar një minierë ari.

Firmës bioteknologjike “Relief Therapeutics” në Zvicër, e cila shpreson të ripërdorë ilaçin e saj 20-vjeçar aviptadil ose RLF-100 kundër Covid-19, iu rritën aksionet 40 000 për qind këtë vit në bursën vendase. Para se virusi të fillonte të përhapej duke bërë viktima në të gjithë globin në fillim të vitit 2020, vlera e aksioneve të kompanisë ishte 0.001 franga zvicerane.

Ndryshe nga sa parashikohej, qeveria do të tregohet më bujare me pensionistët në këtë fundvit. Qeveria ka vendosur për pensionistët një shpërblim prej 5 mijë lekësh për Vitin e Ri.

Agjencia Evropiane e Barnave (EMA) është e gatshme të autorizojë vaksinën e koronavirusit të zhvilluar nga Pfizer-BioNTech që më 23 dhjetor.

Lajmin e bën të ditur tabloidi “Bild”, duke iu referuar burimeve nga Komisioni Evropian dhe qeveria gjermane.

Gjatë vitit 2020, numri i gazetarëve të burgosur ka arritur një rekord të ri. Një raporti i hartuar nga Komiteti për Mbrojtjen e Gazetarëve (CPJ), një grup me bazë në Nju-Jork, thotë se të paktën 274 gazetarë kanë përfunduar në burg deri më 1 dhjetor të këtij viti. Ky është numri më i lartë i gazetarëve të burgosur qëkur grupi ka nisur të mbledhë të dhëna për herë të parë në vitin 1990.  

Sipas këtij Komiteti, vitin e kaluar janë regjistruar 250 gazetarë të burgosur.