Ajri i ndotur u ka marrë jetën 8.7 milionë njerëzve gjatë vitit 2018. Praktikisht, një në pesë vdekje të ndodhura në 2018 ka qenë për shkak të ndotjes së ajrit nga djegia e lëndëve djegëse fosile si qymyri dhe nafta. Studimi i ri që ka dalë në këtë konkluzion përllogarit që më shumë se një në 10 vdekje në SHBA dhe Evropë janë për shkak të ndotjes. Në Azinë Lindore, ku hyn Kina, gati një e treta e vdekjeve janë për këtë shkak. Shkalla e vdekjeve në Amerikën e Jugut dhe Afrikë ishte dukshëm më e ulët.

Në Kubë, për herë të parë shteti do të zgjerojë hapësirat për hapjen e biznesve private në shumicën e sektorëve. Ky hap që shënon një kthesë të madhe në vendin komunist u njoftua nga ministrja e Punës, Marta Elena Feito, sipas të cilës, lista e aktiviteteve të autorizuara zgjerohet nga 127, në më shumë se 2 000. 

"Puna private vazhdon të zhvillohet dhe është objektivi i kësaj reforme", citon Feiton agjencia e lajmeve,  AFP. Ajo tha se masa do të "ndihmojë në çlirimin e forcave prodhuese" të sektorit privat.

Teatri Kombëtar i Operës dhe Baletit (TKOBAP) ka një logo të re, që nuk dihet kush e ka dizajnuar. Ajo që dihet deri tani është vetëm se ai është paguar 1 845 000 lekë dhe logoja është plagjiaturë. Denoncimi është bërë nga artisti i Arteve Pamore, Ardian Isufi, por nga TKOBAP nuk ka akoma asnjë informacion në lidhje me emrin e “autorit” që është paguar për logon. 

Më shumë se 70 europarlamentarë i kërkuan dorëheqjen shefit të diplomacisë europiane pas kthimit të tij nga Moska. Duke e quajtur poshtëruese vizitën e Joseph Borrell në Rusi, 73 eurodeputetë kanë nënshkruar deri më tani një letër, në të cilën i kërkojnë presidentes së Komisionit Europian, Ursula von der Leyen, të marrë masa nëse ai nuk largohet.

Më datë 9 shkurt 2020 GJEDNJ do të shpallë vendimin e parë për çështjet e rivlerësimit kalimtar që u janë bërë gjyqtarëve dhe prokurorëve në Shqipëri, i ashtuquajturi sistemi i Vetting-ut.

Gjyqtarja Altina Xhoxhaj, e para që do të ketë fatin të marrë një vendim nga GJEDNJ, u penalizua nga Komisioni i Pavarur i Kualifikimit (Vendimi nr.17, datë 4.6.2018) dhe Kolegji i Posaçëm i Apelimit (Vendimi nr.9, datë 24.10.2018) për këto shkaqe:

Agjencia Europiane e Kufijve është në kaos. Akuza për ngacmime në vendin e punës, keqmenaxhim dhe parregullsi financiare rëndojnë mbi kreun e FRONTEX, Fabrice Leggeri.

Përballja me Big Tech kërkon bashkimin e fuqive. Aktivistë që mbrojnë të drejtat e konsumatorit e kanë kuptuar këtë dhe shohin aksionin kolektiv si zgjidhje. Një direktivë e re e BE-së që do t'u japë konsumatorëve të drejtën për të ngritur padi kolektive në rastet e dëmtimit masiv, mund të çojë shumë shpejt në aksione më të mëdha të klasës panevropiane. Ndërkohë, paditë kundër Apple dhe TikTok kanë nisur.

Para se t’i kalojë miliarde euro nga fondi i rimëkëmbjes, Bashkimi Europian i kërkon Hungarisë të reformojë ligjet e prokurimit publik. Me frikën e abuzimeve me tenderat, BE kërkon ndryshime direkte në ligjet e prokurimit publik të Hungarisë, sipas një dokumenti që Komisioni ka publikuar më 26 janarit, në të cilin specifikohen ligjet që duhen rishikuar nga qeveria e kryeministrit Viktor Orban. Komisioni Evropian është mandatuar të menaxhojë skemën 750 miliardë euro dhe u ka kërkuar disa shteteve të B-së të rishikojnë propozimet e tyre për mënyrën sesi do të përdoren fondet.

Një vaksinë që lufton kancerin. Mund të duket vite dritë larg, por ka nisur të bëhet realitet. Filantropi Bill Gates, i angazhuar prej kohësh në çështjet e shëndetit publik botëror, thotë se shkencëtarët janë në prag të komercializimit të vaksinës së parë të personalizuar të kancerit. "Nëse funksionon siç shpresohet, vaksina, e cila e bën sistemin imunitar të një personi të identifikojë çdo tumor nga mutacionet e tij unike, mund t’u japë fund në mënyrë efektive shumë llojeve të kancerit", shkruan ai në MIT Technology Review.

 Donald Trump nuk ka lënë vetëm një SHBA të ndryshme nga ajo që gjeti, por edhe një botë të ndryshme. Manifestimi i drejtpërdrejtë i këtij ndryshimi është edhe roli i SHBA në botë, edhe në ato rajone ku më parë dukej se ajo ishte fuqia diktuese.