Afrika e Jugut pezulloi përdorimin e vaksinës së AstraZeneca-së pasi të dhënat treguan se ajo jepte mbrojtje minimale kundër infeksionit të shkaktuar nga varianti i koronavirusit që u zbulua pak javë më parë në vend.

Pas testeve të kryera nga universiteti i Witsatersrand-it, të cilat sollën rezultate zhgënjyese, ministro o shëndetësisë tha se qeveria mbetet në pritje të fjalës së shkencëtarëve.

Në Austri, trajtimi i pacientëve Covid-19 me vaj kanabisi po jep rezultate premtuese.

14 shkurti po afron, por asnjë suprizë nuk ka më për ditën e të dashuruarve. Sepse dashuria në këtë sezon i është dedikuar Fatos Nanos, deklarimet e të cilit në një emision televiziv po qarkullohen e interpretohen si Bibla e tranzicionit, si një rrëfim ku ne duhet të falemi. Pak e ndan shpalljen e Nanos në shenjtor politik, në dikë që mesa duket ka thënë gënjeshtrën perfekte të një katharsisi të brendshëm që shërben për të kuptuar më në fund të vërtetën që na bëri të heqim kaq shumë këto dekada. E vërtetë e cila është se Berisha është i keqi.

Lideri iranian, Ayatollah Ali Khamenei ka dekalruar se Irani nuk do të përmbushë asnjë detyrim që rrjedh nga marrëveshja bërthamore e vitit 2015 nëse SHBA nuk heqin të gjitha sanksionet.

Është Irani që ka përmbushur të gjitha detyrimet e veta që rrjedhin nga marrëveshja bërthamore e vitit 2015 dhe jo SHBA, as edhe tre shtetet europiane. Nëse duan që Irani t’i rikthet angazhimeve të veta, SHBA duhet të heqë së pari të gjitha sanksionet

Ish-shefi i Shtabit të Ushtrisë Jugosllave, Momcilo Perisic është dënuar me tre vjet burg me akuzën e spiunazhit. Mediat në Serbi njoftojnë se Perisic akuzohet se ka kaluar informacione sekret shërbime amerikane.

Krahas Perisic janë dënuar edhe dy bashkëpunëtorë të tij, Miodrag Sekulic dhe Valdan Vlajkovic.

Spitali i Fierit jo vetëm do të ndërtohet nga qeveria turke, por edhe do të funksionojë sipas modelit turk. Gjatë një takimi me banorët e Sarandës, kryeministri tha se mënyra e re e menaxhimit synon uljen e korrupsionit. Praktikisht, modeli synon të lërë në dorë të privatit menaxhimin e spitalit.

Për herë të parë në historinë e Kishës Katolike, një grua caktohet në një detyrë të rëndësishme.

Papa ka caktuar si nënsekretare e Sinodit të Ipeshkvijve francezen Nathalie Becquart. Ajo do të ketë të ketë të drejte vote në këtë trupë vendimmarrëse, e cili këshillon Papën dhe diskuton disa nga çështjet më të diskutueshme në Kishën Katolike Romake. Zonja Becquart ka punuar me sinodin si konsulente që nga viti 2019.

Emisioni i Marin Memës për popullsinë e Dropullit ka provokuar një debat në të cilin janë përfshirë edhe ekspertë të fushës, historianë e gjuhëtarë. Debati është zhvendosur në një mjedis higjenik - revista online “Peizazhe të Fjalës”- ku mundet të lexosh parashtrime të ndryshme mbi një temë jo të lehtë.

Pas shtëpive publike në Angli, radha për dëmshpërblim u takon pabeve në Irlandë. Gjykata e Lartë e këtij vendi ka vendosur që pabeve që janë mbajtur të mbyllura për 326 ditë për shkak të pandemisë duhet t’u paguhen miliona euro dëm, duke vendosur sektorin e sigurimeve para një fakti detyrues.

Mario Draghi siguroi mbështetjen e dy partive kryesore të Italisë, për të formuar qeverinë e re dhe për të nxjerrë vendin nga kriza. Kjo erdhi pasi Lëvizja 5 Yjet dhe Lega e Matteo Salvinit, përkatësisht populistët e majtë dhe të djathtë, lanë mënjanë mëritë dhe i dhanë mbështetje atij që mund të bëhet kryeministri i ri italian.  

“Ne jemi gati. Jemi forca politike kryesore në vend, pra një forcë që duhet të qeverisë”, tha Salvini pas një takimi me Draghin.