Pas katër vjet bisedimesh, vendet anëtare të BE ranë dakord mbi reformën ePrivacy. Tani, presidenca portugeze e BE-së mund të nisë negociatat me Parlamentin Evropian mbi tekstin përfundimtar të projektligjit.

KlubRadio, radio e fundit e pavarur hungareze mbylli transmetimin në mesnatë. Në një përballje me qeverinë e Oban, radioja la frekuencën analoge të përdorur deri tani. Por Andras Arato, drejtori dhe pronari i transmetuesit, nuk u dorëzua dhe filloi transmetimin në platformën e internetit të radios duke transmetuar “Himnin e gëzimit”, himni zyrtar i Bashkimit Evropian, raporton gazeta e pavarur online “Indeksi”. Kjo ishte një sfidë e hapur për Orban, në një kohë që edhe BE-ja është shprehur "seriozisht e shqetësuar" në lidhje me këtë hap.

Fillimisht koronavirusi dhe më pas vaksina kundër tij vijojnë të ndryshojnë raportet mes vendeve. Aleanca të reja po formësojnë atë që është cilësuar si gjeopolitika e vaksinave.

Edhe rruga drejt rimëkëmbjes po diktohet pikërisht nga vaksinimi. Si një nga vendet që ka përparuar më shumë në procesin e vaksinimit, Izraeli ka nënshkruar dy marrëveshje me të cilat synon të lehtësojë turizmin.

Zgjedhjet rajonale të mbajtura të dielën u dhanë më shumë fuqi partive separatiste në Katalonjë.

Partia Socialiste pro-bashkimit, e udhëhequr nga ish-ministri i Shëndetësisë Salvador Illa, mori numrin më të madh të votave duke siguruar një fitore të ngushtë. Megjithatë, për të formuar qeveri do t’I duhen aleatë.

Me 99% të votave të numëruara, të tre partitë kryesore që kërkojnë pavarësinë nga Spanja zgjeruan praninë në parlamentin rajonal në 135 vende nga 74. Në 2017, ata patën fituar 70 vende.

Çfarë ndodhi në SHBA? Çfarë përfaqëson Donald Trump dhe cila është gjurma e ushtrimit të pushtetit prej tij? Këto janë pyetje që kanë kohë që bëhen, por ato sapo kanë nisur të përshfaqin përgjigjet e para. 6 janari ishte padyshim një ndër përgjigjet bruto të një realiteti politik, social e ekonomik që është injoruar gjatë nga të dyja partitë kryesore në SHBA.

I ftohti mbërriti me të gjithë forcën e vet dhe përveç temepraturave e bukurisë së dëborës, solli me vete telegramin e mirënjohur si testament të çdo qeverie: Bëni si të bëni, se kaq këllqe kemi. Rrugët u bllokuan, pati ankesa për mosndërhyrje, mungesë mjetesh etj. Por këtë situatë të rëndë që ilustron se për sfida të tilla nuk jemi gati dhe ndoshta as duam të mendojmë, e ka shfrytëzuar ministrja e Infrastrukturës, Belinda Balluku, e cila u pa dje në mbrëmje në një borëpastruese.

Një tërmet 7.3 ballë goditi dje brigjet e Tohokut në Japoni, e njëjta zonë që në 2011 u regjistrua tërmeti shkatërrues që u pasua nga një cunami dhe incidentet në centralin bërthamor. Fatmirësisht, tërmeti i së shtunës nuk shkaktoi viktima, por vetëm 120 të plagosur dhe shkëputjen e energjisë elektrike për disa orë. Sizomologët thonë se tërmeti i djeshëm ishte një pasgoditje e tërmetit shkatërrues të 2011-s.

Tetë persona kanë rezultuar pozitivë për virusin ebola në Guinenë juglindore. Sipas autoriteteve vendore, tre prej tyre kanë vdekur. Ky është riaktivizimi i parë i sëmundjes në Guine, që nga shpërthimi i epidemisë që zgjati nga 2013 deri në 2016, kohë gjatë së cilës në rajon u shënuan 11 300 viktima.

Një përfaqësues i Organizatës Botërore të Shëndetësisë tha se në Guine do të dërgohet shumë shpejt ndihmë, raporton France 24.

Gratë duket se kanë dy herë më shumë gjasa të zhvillojnë atë që njihet si Covid-i i gjatë. Megjithatë, kjo deri në 60 vjeç, pasi pas kësaj moshe, niveli i rrezikut bëhet i ngjashëm. Mosha e avancuar dhe një indeks më i lartë i masës trupore gjithashtu duket se janë faktorë rreziku për të patur Covidin e gjatë.