Sot paradite, ministers së Financave Delina Ibrahimaj i erdhi radha të fliste për draftin e amnistisë fiskale. Në  një takim me biznesin e huaj në vendin tonë, Ibrahimaj citohet të jetë shprehur ndër të tjera se:

Ka një nivel të lartë të parave informale. Nga 1991 nuk ka pasur stimul për të legalizuar këto para. Kemi sistemet per te gjurmuar flukset e dyshimta te parave

Lufta në Ukrainë i ka dhënë një shtysë të re marrëdhënieve mes Rusisë dhe Iranit. Në muajt qëkur ka nisur konflikti, media në Perëndim kanë vënë në dukje izolimin që i është bërë Kremlinit, kreu i të cilit ka zhvilluar vetëm një vizitë në Taxhikistan. Së fundmi, po raportohet se Putin do të jetë në Teheran për t’u takuar me presidentin turk, Erdogan dhe presidentin iranian Raisi.

Një hartë e tundur nga Devlet Bahceli, aleat i presidentit turk, Reccep Tayyip Erdogan, ku disa ishuj të Greqisë prezantoheshin si territor turk, ka vënë në lëvizje politikën greke. Kryeministri Mitsotakis ka kërkuar sqarime nga Ankaraja mbi hartën, ndërkohë që mediat greke kanë këmbëngulur për të marrë qëndrime nga aktorë ndërkombëtarë mbi këtë çështje. 

Pozicioni ynë mbi këtë çështje është i qartë, sovraniteti i Greqisë nuk është në pikëpyetje

Partia Liberal Demokrate ruse ka propozuar që presidenti Vladimir Putin të marrë titullin “pravitel”, që do të thotë “sundues”. Partia në fjalë përshkruhet si nacionaliste dhe sipas propozimit në fjalë termi « president » është I importuar në Rusi.

Në vendin tonë, sipas standardeve historike, kjo është përgjithësisht një fjalë e re dhe deri sa të zërë vend tërësisht mund ta zëvendësoni pa problem. P.sh me frazën “kreu i shtetit” apo fjalën “sundues” të dyja janë më të kuptueshme për veshin rus

Presidenti bjellours Aleksander Lukashenko ka paralajmëruar me përshkallëzim drejt një lufte bërthamore në Ukrainë, nëse Perëndimi vijon me politikat aktuale.

Për fat të keq, kjo politikë perëndimore po e çon botën afër humnerës së një lufte të madhe, ku siç e dini nuk do të ketë më fitues

ka thënë ai në një ceremoni diplomimi të oficerëve të rinj.

Sipas tij, Perëndimi nën drejtimin e SHBA-ve po çmonton sistemin e sigurive ndërkombëtare, duke dalë madje edhe kundër interesave të tyre.

Greqia po diskuton aktualisht një projektlgj që u njeh të drejtën femrave në moshën 54 vjeç të asistohen në rrugë mjekësore për të patur fëmijë. Mosha kufi për këtë procedurë në vendin fqinj, aktualisht është 50 vjeç.

Po kështu drafti I jep të drejtë femrave të ngrijnë vezët pa marrë konsensusin e bashkëshortit. Për riprodhimin e asistuar të femrave në moshën 50-54 do të duhet marrin miratimin e Autoritetit Kombëtar për Riprodhimin e Asistuar.

Amnistia fiskale është një nismë e cila duket se përbën shqetësim për Bashkimin Europian. Argumentet e qeverisë shqiptare se nisma është konsultuar me FMN-në, apo se ka marrë në konsideratë sugjerimet e aktorëve të huaj, nuk rezultojnë të vërteta. Në një intervistë për MCN Tv, ambasadorja e Francës në Shqipëri, Elisabeth Baracq, shprehet se drafti cenon barazinë e shtetasve, por ai krijon kushte hetimi nga autoritetet e fiskut në vendet e BE-së prej nga ku supozohet se do të vijë një pjesë e parave që do të amnistohet.

Organizata e Kombeve të Bashkuara ka publikuar së fundmi një raport sipas të cilit popullsia e botës arrin në 8 miliardë më 15 nëntor të këtij viti.

Ky numër na kujton për përgjegjësinë tonë të përbashkët për t’u kujdesur për planetin tonë dhe një moment për të reflektuar mbi mos përmbushur angazhimet tona ndaj njëri-tjetrit. Ky është një rast për të celebruar diversitetin, njohur humantietin tonë të përbashkët dhe të mrekullohemi me përparimet e shkencës që kanë zgjatur  jetën dhe kanë reduktuar ndjeshëm vdekshmërinë e foshnjave dhe nënave

Më poshtë një letër e organizatës së Tragjasit drejtuar kryeministrit Rama: 

Z. Kryeministër, ndoshta ju nuk e keni parë një video të shpërndarë nga z. Sali Berisha për mushkonjat në Orikum. Shikojeni, është e vërtetë. Mushkonjat janë reale, qamet i zi anëekënd. 

Nuk lënë vend pa të pickuar. Dua të them edhe sikur ajo video e Berishës të jetë në Shkodër, ku e kuptoj pse nuk spërkasni, me siguri që edhe në Orikum e Sarandë, Tiranë e Durrës, është nami me mushkonja. 

Pas Facebook, radha i ka ardhur “Uber” të vihet në qendër të investigimeve për shkelje të praktikave të konkurencës në disa vende. Gazeta “The Guardian” raporton për rrjedhjen e 124 000 dokumenteve konfidenciale nga kompania njohur e taksive, krijuar në vitin 2009 në Silicon Valley.