Vetëm pas ditë pasi ka lënë kariken e kryebashkiakut të Tiranës, vihet nën hetim. Me akuzën “shpërdorim detyre”, Prokuroria ka nisur hetimet mbi ish-kryetarin e Bashkisë së Tiranës, Lulzim Basha. Gjithçka ka nisur pas një kallëzimi penal të Agjencisë Kombëtare të Planifikimit të Territorit, që i referohet lejeve të ndërtimit të dhëna nga Basha në kryeqytet gjatë periudhës qershor 2013-korrik 2014.

Zyrtarët grekë thanë sot se qeveria ka arritur marrëveshje me kreditorët ndërkombëtarë lidhur me kushtet e një pakete të re për daljen nga kriza. Ende ka elementë që nuk janë sqaruar plotësisht, por paketa për një kredi prej 94 miliardë dollarësh në pjesën dërrmuese është përfunduar, thanë zyrtarët. Greqia ka qenë e përfshirë nga problemet financiare prej më shumë se pesë vjetësh dhe ka marrë dy paketa ndihmash më parë, me një shumë totale prej 270 miliardë dollarësh, ndërsa Qeveria ka vënë në zbatim masa shtrënguese dhe reforma të gjera ekonomike të imponuara nga kreditorët.

"Google nuk është një firmë konvencionale. Dhe nuk duam të bëhemi të tillë." Me këtë fjali themeluesi i firmës, Larry Page kumton reformën radikale në koncernin e njohur. Tregtia në "web" dhe reklama online duhet të ndahen nga degët e reja të firmave që prodhojnë automjetet automatikë apo dronet. Google do të vazhdojë të mbajë këtë emër, por do të transferohet nën një "çati" me koncernin e ri holding që do të mbajë emrin "Alphabet". Holding është një firmë që nuk prodhon, por merr pjesë në aksione financiare.

Mes një aperitivi apo një tjetri, mënyra më e mirë për të ulur masën trupore përgjatë sezonit veror janë sportet në plazh. Përfitimi është formë fizike e shkëlqyer. Ekspertët tregojnë se disa sporte lejojnë të digjen kaloritë duke marrë njëkohësish dhe nxirjen e duhur. Fuqia e ujit është një bekim për qarkullimin e gjakut, për shkrirjen e celulitit dhe tonifikimin, i cili është tre herë më i lartë se sa një sport normal. Çfarë të zgjedhim?

Tenis në plazh: për tonifikimin e këmbëve dhe vitheve si pasojë e lëvizjeve gjatë pasimit të topit

Presidenti i Republikës, pritet të rikthejë edhe ligjin e ri “Për arsimin e lartë”. Kështu raporton “Tv Klan”, që referon burime nga presidenca. “Presidenti i Republikës pritet të shprehet brenda kësaj jave për ligjin e Arsimit të Lartë, i miratuar vetëm me votat e maxhorancës në fund të Korrikut në parlament. Burime të Televizionit Klan mësuan se pas konsultimeve të shumta me të gjitha palët e interesuara, kreu i shtetit do ta rikthejë ligjin për rishqyrtim në Kuvend”, raporton “Tv Klan”. Pak ditë më parë Bujar Nishani ktheu edhe ligjin “Për turizmin”.

Aksidenti i rëndë në zonën e “Don Boskos” ka nxjerrë edhe një problem si ai dëmshpërblimit për dëmet e shkaktuara. “Top-Channel” ka kërkuar mendimin e përfaqësuesve të kompanive për këtë çështje dhe rezulton se situata nuk është aq e thjeshtë.

Harrojeni shakanë e "Postbllok". Edhe si e tillë, ajo paska thënë të vërtetën, pasi sipas Agjencisë Telegrafike Shqiptare, që Edi Rama është lideri më i gjatë në botë, e konfirmoka edhe revista prestigjioze "Play Boy".

PS: Çfarë krenarie! Po TVSH të ketë bërë një kronikë për këtë gjë?

http://www.ata.gov.al/edi-rama-kryeministri-me-i-gjate-ne-bote-sipas-pla...

Fajin e ka Saliu. Të gjithin. Madje fajin e ka edhe “Facebook” që i lejon Saliut të flasë përditë. Vetëm 2 vjet e gjysmë nga ndërrimi i pushtetit, një sërë mediash apo analistësh, po i rikthehen tezës “Saliu”, e cila duhet thënë se ka ndikuar shumë që disa analistë të bëhen ata që njihen sot: pra analistë. Se për çfarë të shkruhet vallë po nuk pati pak Sali të paktën një herë në javë?

Mes puthjesh dhe fërkimesh të nxehta në Sardenjë, modelja 42-vjeçare Heidi Klum është kapur mat me të fejuarin e saj 29-vjeçar Vito Schnabel. Teksa po kalonin çaste pasioni mes njëri-tjetrit, paparacët kanë fotografuar modelen e njohur me linja perfekte. Çifti po kalon pushimet në Sardenja, duke shfrytëzuar detin dhe momente relaksi. Paparacët kanë arritur t’i fotografojnë në çaste intime dy të dashuruarit. Heidi Klum e shtrirë për qejfin e vet në ijet e Vitos, ul supet e kostumit të banjës për të marrë rreze dielli natyrale, duke dhuruar për fotografët një toples të bukur.