Sot ra në sy një deklaratë nga Facebook e kreut të opozitës Lulzim Basha, toni i saj dhe akuza drejtuar ndaj kryeministrit Edi Rama, si një njeri i pazareve. “Tregtari i paskrupullt i politikës, spekulanti më i madh i pazareve më të pista në vend, ai që ka bërë pakt me krimin, themeluesi i aleancës së qelbësirave, ai që i zvarritej Nanos dhe i përkulej Metës kur ia lypte nevoja dhe sa kalonte lumin ngrinte kurthe për ta, politikani që ska mbajtur një fjalë apo një premtim që ditën e parë e deri më sot”, shkruan Basha.

Ministria e Mbrojtjes po përballon thuajse e vetme riparimin e dëmeve të shkaktuara nga përmbytjet, duke mbuluar edhe frontin e lënë bosh nga Drejtoria e Emergjencave Civile që sipas banorëve është shfaqur fare pak në zonat e përmbytura. Ministrja Kodheli inaguroi ndërtimin e urës së fshatit Gjorgoz pas shëmbjes së kësaj të fundit nga vërshimi i lumit Gjanica tetorin e kaluar.

“Qëllimi im është të tregoj se bukuria qëndron në ndryshimet tona, jo te trendi, paraja apo rraca”. Kështu shprehet fotografja rumune Mihaela Noroc, e cila udhëtoi nëpër botë duke realizuar fotografi të shumë femrave. “Unë mendoj se njerëzit duhet të jenë më të vetëdijshëm për kulturat e tjera dhe se bukuria mund të na mësojë që të jemi më tolerantë”, thotë ajo. Më poshtë disa prej fotove të saj: 

Qeveria shqiptare ka ndërmend të nxjerrë në treg për privatizim gjatë vitit 2016 më shumë se 1700 objekte. Drejtori i Privatizimeve në Ministrinë e Zhvillimit Ekonomik, Turizmit, Tregtisë dhe Sipërmarrjes, Zamir Stefani, sqaron se “këto janë objekte të mbetura nga ish ndërmarrje, asete të ndryshme të këtyre ndërmarrjeve apo shoqërive publike, si reparte ushtarake, objekte ushtarake apo të Ministrisë së Brendshme, Bujqësisë, Arsimit etj, që kanë dalë jashtë funksionit të tyre”.

Lajmet për abuzime nga punonjës të OSHEE-së në faturimin e energjisë elektrike, po nxjerrin në sipërfaqe një problem serioz në administrimin e këtij shërbimi. Sot “Top-Channel” sillte në vëmendje rastin e një qytetari në Bradashesh të Elbasanit, i cili ishte faturuar me rreth 20 mijë kw. Ndonëse OSHEE-ja ishte vënë në dijeni për situatën dhe faturisti u largua nga puna, çështja e qytetarit ka mbetur pa zgjidhje. Problemi nuk është sporadik, por ka përhapje të madhe.

 “Nje grup i madh studentesh te ekselences moren karten e anetaresise ne PS sot ne pervjetorin e Fressh:-) Flm e mirenjohje per inkurajimin”.

Ky është statusi në profilin e vet në “Facebook” i kryeministrit Edi Rama. Lajmi na thotë se ata që vlerësohen si studentët më të mirë, që nga sot janë bërë me një teser partie në xhep. Kanë marrë teserën e partisë që është në pushtet, të një partie që bashkë me të tjerat është gjeneratori i kalbëzimit që ka prekur shoqërinë.

Shqipëria klasifikohet mes vendeve me potencial të rriskut social, në një parashikim që merr parasysh ecurinë e tanishme deri në vitin 2030. “Në pesë grupet e mëdha të rreziqeve: ekonomik, social, ambiental, gjeopolitik dhe teknologjik, Shqipëria bën pjesë në grupin e dytë, me një zhvillim kaotik urban dhe emigracion të lartë, të cilat sipas studimit ndikojnë në një klimë jo të mirë për të bërë biznes”, referon “Monitor” të dhënat e Forumit Ekonomik Botëror.

Ish-kryeministri i Shqipërisë, Aleksandër Meksi, në një intervistë për gazetarin Roland Qafoku ka folur për prapaskenat e ngjarjeve të vitit ’97 dhe problemin që lindi nga firmat piramidale.

Meksi ka rrëfyer edhe çështjen e hapjes së dosjeve, ndikimin e agjenturave të huaja në Shqipëri. Po ashtu ai e ka quajtur si fatkeqësi faktin që Kryeministri Rama nuk është takuar asnjëherë me kreun e opozitës, Basha, në dy vite e gjysmë qeverisje.

Unioni i Prokurorëve të Republikës së Shqipërisë kërkon në mënyrë të qartë që reforma në sistemin e drejtësisë të këtë si synim kryesor përmirësimin dhe ndryshimin e sistemit dhe jo të emrave të përvecëm.
Sipas tyre një kërkesë e tillë vjen natyrshëm nga parashikimet e dispozitave kalimtare të cilat nga njëra anë parashikojnë vazhdimin e mandatit për një sërë funksionarësh të këtij sistemi (anëtarë të Gjykatës së Lartë, Kushtetuese) dhe ndërprerjen e mandateve për një sërë funksionarësh të tjerë (anëtarë të KLD dhe Prokurori i Përgjithshëm).