Parlamenti Evropian promovon rregulla specifike me qëllim shmangien e skandalit të tipit “Dieselgate”. Komiteti i Tregut të Brendshëm ka miratuar propozimet që do ta bëjnë shumë të vështirë mashtrimin me emetimin e gazrave të  automjeteve. Rekomandimet e Komisionit do të diskutohen në seancën e ardhshme plenare të Parlamentit Evropian.

Një grup astronomësh në Gjermani kanë bërë një zbulim që mund të hedhë dritë mbi krijimin e jetës në tokë, miliarda vjet më parë. Duke përdorur teleskopin hapsinor të NASA-s, Habëll ata zbuluan një objekt gjigant, i ngjashëm me kometën, i cili përmban elementët themelorë të jetës, ujin, nitrogjenin, karbonin, oksigjenin dhe sulfurin.

Objekti u pikas pranë një xhuxhi të bardhë, rreth 170 vite dritë larg Tokës. Sipas shkencëtarëve ai është i ngjashëm me kometën e famshme Halley, por afërsisht 100 mijë herë më i madh dhe përmban më shumë ujë.

Të paktën 416 balena u bllokuan në brigjet e Zelandës së Re dhe pothuajse tri të katërtat kanë ngordhur. Agjencia për Mbrojtjen e Mjedisit tha se kjo është një ngajrje relativisht e shpeshtë. Vullnetarët kanë bërë përpjekje të dëshpëruara për të ndihmuar balenat të mbijetojnë, ndërsa punëtorët e shpëtimit  i nxisin balenat që të mos i afrohen bregut.  jetojnë në të thellë.  Bëhet fjalë për 416 balena në bregdetin e Fergouel në zonën e Golden Bay, në veri  të Zelandës së Re.

Ish-kryeministri Sali Berisha ka postuar në rrjetet sociale dy foto, të cilat sipas tij tregojnë vilën e re luksoze të ministres së Arsimit, Lindita Nikolla. Sipas denoncimit vila e ministres kap vlerën e 1.1 milionë eurove. Ish-kryeministri i  bej thirrje prokurorise se shtetit te nise me perparsi hetimin per verifikimin e akuzave te qytetarit dixhital, ndërsa vetë ministrja nuk ka reaguar lidhur me këtë lajm.

"Pasuria ime s'ka asgjë të paligjshme", sqaron deputeti Alfred Peza. E siç mund ta dijë vetë ai, dyshimet mbeten, pse çështja ka shumë të panjohura. Deputeti shpreh besim te prokuroria teksa nuk i komenton hetimet e saj, ndonëse për organin e akuzës ka shumë pakënaqësi nga PS-ja. Këtu nuk shtrohet çështja për shkeljet ose jo të deputetit në fjalë, por për faktin se mungesa e transparencës si praktikë, edhe nga ish-gazetarë, provokon kësi ngjarjesh që lënë atë shijen e njohur se "këtu janë të gjithë". Pasi edhe miliarderët, sidomos majtas po dalin edhe aty ku nuk pritej.

Shkrimi i djeshëm në Washington Times, gazeta e dytë në Washington, ka pështjelluar Tiranën zyrtare dhe rojtarët e dritave të qeverisë. Ndonëse është një shkrim nga ata që duket se janë të lobuar për t’u botuar, sërish mendimi se një gazetë amerikane riprodhon të njëjtat akuza që ka sot Ilir Meta dhe Sali Berisha për Donald Lu, ka infektuar fillimisht apologjetët e ambasadorit amerikan. I pari në listë është padyshim Spartak Ngjela, statuset në Facebook të të cilit janë manifestime depresioni dhe deliri të programuara për t’u përcjellë si avokati serioze.

Pas Ministrisë së Jashtme maqedonase edhe presidenti I vendit, George Ivanov, ka deklaruar se disa vende fqinje po ndërhyrjnë në punët e brendshme të këtij vendi. Ivanov ka përcjellë këto shqetësime në takimin e tij me eurokomisionerin Hahn, duke kërkuar dënimin e akteve të tilla.

Jetojmë në kohë ku mund të thuash çdo gjë dhe sërish të shënjestrohesh si lider i suksesshëm. Marie Le Pen dhe Franca e kulturës që duket se po i rend nga pas janë një shembull i rrallë në këtë drejtim. Prej kohësh liderja e Frontit Popullor predikon daljen nga BE-ja të Francës, që do të ishte në fakt fundi i unionit, daljen nga Euro dhe rishikim të marrëdhnëieve ndaj Rusisë. Por kur vjen puna për të vendosur një standard pranimi të përgjithshëm për të huajt, Le Pen nuk shkon dot përtej BE-së që e konsideron vetiu si kufirin final ku fillon “Tjetri” për Francën.

Fondacioni Shoqëria e Hapur për Shqipërinë publikon sot atë që e quan Indeksi i Pandëshkueshmërisë  që sipas tij është shumë i lartë. Kjo bazuar në perceptimin e përgjithshëm që shkon deri në 94% të të intervistuarve.

“Lidhur me skenaret e propozuar mbi shkelje te ndryshme te zyrtareve, vihet re nje mungese besimi lidhur me ndeshkueshmerine e ketyre rasteve. Perjashtim ben ‘besimi ne ndeshkueshmeri per skenarin e akuzave per deputete te inkriminuar‘, me nje rritje prej 43 pikesh ne krahasim me 2014”, thuhet në këtë publikim.

Brukseli nuk ka asnjë sugjerim konkret për qeverinë e re në Maqedoni. Eurokomisioneri Johannes Hahn gjatë vizitës së tij në këtë vend ka apeluar për bashkëpunim dhe ndjekje të rrugës euroatlantike në krijimin e qeverisë, krijimin e së cilës e synon Zoran Zaev I LSDM-së.