Lulzim Basha, kryetar i Partisë Demokratike ka hedhur sot në qarkullim “provën” e mbështetjes së madhe që ka në Washington. Një artikull i publikuar nga Bretibart News është kthyer në shqip për të evidentuar tërthorazi se politika zyrtare në SHBA nuk e sheh me sy të mirë qeverinë e Edi Ramës. Dhe për të bërë efektin e duhur te njerëz afër presidentit Donald Trump, Basha, që ka qenë dikur ministër i Jashtëm dhe promovues i vlerave euroatlantike të Shqipërisë, përdor kartën Soros.

Ndikimi i veprimtarisë njerëzore në ndryshimin e klimës mund të ketë nisur të japë efekte të jashtëzakonshme mbi motin dhe ndarjen stinore. “The Washington Post” raporton për një studim të fundit që krediton me gjetje të reja një ide që është konsideruar eksplozive: sipas saj, ngrohja e planetetit nuk sjell vetëm rritjen e valëve të ngrohta apo vëllimin e reshjeve, ajo ndryshon gjithashtu rrjedhën e motit. Ku supozim mbështetet në hipotezën se ndryshimi i klimës çon në ndryshim të modeleve të lëvizjes së ajrit në shkallë planetare duke provokuar një mot statik, pa dallime stinore.

Synimet e SHBA-së në Siri kanë qenë që në fillim ndarja e vendit, federalizimi dhe në finale krijimi i një shteti kurd në veri të vendit. Të konsideruar prej kohësh si partnerë të amerikanëve, kurdët nuk kanë rreshtur në përpjekjen për shtetin e tyre, legjitime dhe e drejtë nga një perspektivë njerëzore. Por armiqtë e një entiteti të tillë janë të shumtë dhe të fuqishëm pasi në thelb shteti kurd do të shërbente si hallkë për ndryshimin e peizazhit gjeopolitik në rajonin e Lindjes së Afërt dhe Mesme.

Ministri i ri duket se ka sjellë më shumë optimizëm dhe vetëbesim te qeveria për të luftuar njollën e zezë, të cilën herë e ka mohuar, herë e ka pranuar me gjysmë zëri.  Bëhet fjalë për kultivimin dhe trafikun e kanabisit, një nga fenomenet që ka shenjuar qeverinë PS-LSI dhe që mendohet se “i hëngri kokën” edhe Sajmir Tahirit.  Teksa prezantoi Fatmir Xhafajn si ministër të Brendshëm, kryeministri parashpalli një fitore që sipas tij është vetëm pak muaj larg.

Kryeministri serb Aleksander Vuçiç zhvilloi një vizitë zyrtare në Moskë këtë të hënë, ku u prit nga presidenti Valdimir Putin. Siç njoftuan edhe dy liderët, në axhendën e takimit ishte bashkëpunimi më i ngushtë ekonomik mes dy vendeve, ku veçohet ardhja e kompanive ruse në tregun serb. Krahas ekonomisë, mbështetja e Moskës për Beogradin fokusohet edhe te ushtria. Në një intervistë për agjencinë e lajmeve Tanjug, Vuçiç njoftoi mbërritjen nga Rusia të 6 avionëve luftarakë MIG-29. Situata e tensionuar politike në Ballkan ishte gjithashtu pjesë e diskutimeve.

Edhe kur nuk është i pranishëm në media ose i angazhuar me çështje të tjera, Erion Veliaj dhe mrekullitë e tij nëse mund t’i quajmë kështu zënë vend në ekrane. Kështu Televizioni Publik ka transmetuar sot një kronikë për pastrimin e depozitave të ujit. Lajmi në vetvete nuk është ky, por dobia që po sjell një nismë e kryetarit të Bashkisë për administratorët e pallateve, të cilët janë rregullatori adapt për të tilla probleme të komunitetit.

Çadra e opozitës duket se izolohet çdo ditë e më shumë në kauzën e saj për krijimin e një qeverie teknike. Vizita pa bereqet në Uashington dekurajoi dukshëm opozitën dhe kryetarin e saj që gjithsesi përpiqen të tregojnë se ndërkombëtarët janë me ta. Basha megjithatë nxorri një gjysmë justifikimi se partnerët janë të keqinformuar nga lobingjet e narkotrafikut pranë qeverisë por faktet janë kokëforta dhe me publikimin e disave prej tyre në media, drejtuesit e opozitës janë në pozitë edhe më të vështirë. Ardhja me duar bosh nga Uashingtoni nuk ishte i vetmi lajm i keq për opozitën.

Komisioni i Ekonomisë miratoi projekligjin për faljen e borxheve të biznesit. Projektligji u prezantua në Komision nga Ministri i Financave, Arben Ahmetaj, i cili tha se ky projekligj do të lehtësojë biznesin. Nga ky ligj biznesit i falen afro 91 miliardë lekë, detyrime të prapambetura.

"TemaTv"

Banorët e zonës Verri në qytetin e Fierit kanë firmosur një peticion, kundër ndërtimit të një impianti plehrash në zonën e tyre. Protesta e tyre që zgjat prej disa javësh ka marrë dhe mbështetjen opozitës. Këta të fundit kanë bojkotuar mbledhjen e këshillit bashkiak.

"TemaTv"

Ideja ka ardhur nga llotaria amerikane, si shprehje e "American Dream". Veliaj i ka mbushur mendjen vetes se kryeqyteti shqiptar ka ndryshuar kaq shumë saqë tani është koha që të prezantohet "Albanian Dream". Tarifat shkojnë për buxhetin e Bashkisë dhe mendohet se vitin e parë do të përjashtohen nga detyrimi për aplikim vetëm italjanët që duan të vijnë këtu, por edhe tepelenasit meqë shoku Gramoz vazhdon të jetë i fuqishëm.