Kreu i Partisë Aleanca Popullore për Drejtësi, Bilal Kola, që rrjedh nga një familje të persekutuarish politikë, publikon sot një opinion në gazetën “Panorama” rreth kujtesës kolektive dhe nismave të fundit për muzealizimin e mjediseve të aparatit represiv të Diktaturës së Enver Hoxhës. Sipas Kolës ajo që ka bërë qeveria aktuale është thejsht fasadë, asgjë më shumë. Si shembull për të ilustruar këtë, Kola sjell faktin se tekstet e librave shkollorë nuk janë prekur në këtë drejtim.

Ambasadori rus në Tiranë, Aleksandër Karpushin, ka bërë një ndërhyre në media duke dhënë disa mendime për situatën aktuale të raporteve ruso-shqiptare. Ambasadori ka dhënë një intervistë për “Abc News” përmes të cilës ka vënë theksin te niveli i ulët i raporteve, që sipas tij vjen si pasojë e qëndrimeve politike të Tiranës. Karpushin ka bërë thirrje për vullnet për marrëdhënie më të mira me Rusinë pasi interesi dypalësh e kërkon këtë, por ai nuk ka shprehur shumë optimizëm.

Studiuesit në universitetin e Upsalas në Suedi kanë arritur në konkluzionin se konsumi i çajit çon në ndryshime epigenetike te femrat. Ndryshime të cilat konsistojnë në aktivizimin e disa geneve si pasojë e veprimit të aktorëve të jashtëm. Këto gene ndërveprojnë me metabolzimin gjatë sëmundjes së kancerit dhe çlirimit të estrogjenit. Studime të mëhershme kanë provuar se konsumi i kafes dhe çajit luan një rol në frenimin e  tumoreve, uljen e inflamacioneve dhe në metabolizmin e estrogjenit. Por për çajin ndryshimet epigenetike prekin vetëm femrat.

Pa mbaruar problemet me Europën dhe daljen nga Marrëveshja e Parisit për klimën, SHBA kanë hapur një tjetër front eventual, kësaj radhe më delikat. Gjatë një konference për sigurinë në Singapor, sekretari amerikan i Mbrojtjes, James Mattis, deklaroi se zhvillimet e fundit në ishujt e detit të Kinës Jugore provokojnë ndryshime të njëanshme të status quosë, të cilat SHBA nuk do t’i pranojë.

Dje është dhe dhe sot është sot. Kjo thënie e Ilir Metës vlen edhe për stofin e politikës që përfaqësohet nga dy të mëdhenjtë dhe në veçanti kryetari i PD-së, Lulzim Basha. Ky i fundit ka vijuar sulmet ndaj LSI-së dhe Ilir Metës gjatë një takimi që pati në Krujë, madje duke e etiketuar LSI-në si SHPK-në e Presidentit të zgjedhur.

Duke iu referuar Shekspirit dhe batutave që Rama tha para paktit se iu lut më shumë se Romeo Xhuljetës, dhe ironisë që bëri pas kësaj LSI-ja, Basha kujtoi se ka edhe një tjetër vepër Shekspiri, “Tregtari i venedikut”.

Deri në këtë moment që po shkruaj këtë shkrim, edhe pse fushata elektorale është hapur prej më shumë se një jave, nga tre partitë e mëdha politike në vend, PS, PD dhe LSI, vetëm kjo e fundit ka të shkruar dhe të afishuar në faqen e saj në internet një program elektoral për zgjedhjet e vitit 2017 Partia Demokratike ndërkohë prej muajsh ka punuar për hartimin e programit të saj ekonomik edhe me asistencën e fondacionit gjerman Konrad Adenauer, por ky dokument nuk gjendet i botueshëm dhe për më tepër është ngushtësisht në çështje ekonomike, fiskale, dhe jo një program tërësor politik.

Pas Xohaxupoulos edhe ish-ministri tjetër grek i Mbrojtjes, Yiannos Papantoniu është vënë nën akuzën e pastrimit të parave. Prokurorët kanë akuzuar atë dhe gruan e tij, Stavroula Kourakou si të pandehur duke ndaluar edhe daljen e tyre nga vendi. Sipas gazetës greke “Kathimerini” akuzat u ngritën pas konstatimit të një llogarie bankare të Papantoniut, përfshirë në listën Borjans, në bankën zvicerane UBS.

Kina dhe Bashkimi Evropian premtojnë unitet në luftën kundër ndryshimeve klimatike, një ditë pasi presidenti Donald Trump njoftoi tërheqjen amerikane nga marrëveshja klimatike Parisit. Kryeministri kinez dhe zyrtarë të lartë evropianë firmosën një deklaratë të përbashkët me mbështetjen e të gjitha shteteve anëtare të BE-së, sipas të cilit BE-ja dhe Kina angazhohen për zbatimin e plotë të Marrëveshjes së Parisit  për Klimën.

Përflitej prej ditësh për një formular që LSI ua ka shpërndarë të punësuarve të saj në administratën shtetërore, përmes të cilit merr garanci për besnikërinë e votës në 25 qershor. Ky formular është kallëzuar në Prokurori nga zv/kryeministrja Mandija, e cila në cilësinë e kryesueses së Task-Forcës ka kallëzuar penalisht Drejtoren e Filialit të Postës Shqiptare në Berat Haris Ngjeqari.

Përveç urisë që kërcënon miliona njerëz, Jemeni po i drejtohet së fundmi kufirit të katastrofës njerëzore me shfaqjen dhe përhapjen në masë të kolerës. Al Jazeera raporton për 70 mijë raste duke referuar raporte të UNICEF, sipas të cilës deri më tani kanë vdekur 600 njerëz. Parashikimet flasin për një numër prej 130 mijë të prekurish në dy javët e ardhshme, duke i shtuar këtij vendi në luftë civile dhe nën bllokadë edhe një problem që e bën krizën thuajse fatale.