Ben Blushi ka deklaruar sot gjatë një video-bisedimi në makinë se partia e tij synon të krijojë një Fond Sovran Investimesh përme stë cilit do të mundësohet investimi prej 500 milionë eurosh në vit për shëndetësinë dhe arsimi. Blushi tha se mënyra për të gjetur këto para është thithja e parave të njerëzve me interes, nën garancinë e shtetit dhe me investime të qarta në këto fusha. Një ide që mund të merret në konsideratë.

Edi Rama ka marrë pjesë në dy inaugurime këtë fushatë elektorale, atë për sheshin Skëndërbej dhe segmentin e parë të Bulevardit të Ri të Tiranës, të dyja punë të Erion Veliajt të financuara nga qeveria. Përveç larje-lyerjeve për njëri-tjetrin që edhe mund të na ishin kursyer, mesazhi për votuesit ishte i qartë: votë për Edi Ramën që të kemi një Tiranë të zhvilluar dhe për analogji edhe një Shqipëri të zhvilluar. A janë këto investime premisë për t'i besuar një programi zhvillim të Partisë së drejtuar nga zoti Rama dhe të projektuar për Erion Veliajn. 

Drejtoria e Përgjithshme e Arkivave publikon sot në faqen e vet në Facebook, pjesë nga dorëshkrimet origjinale të veprës së Jeronim De Radës, konkretisht nga “Këngët e Milosaos”. Po kështu njoftohet se shteti shqiptaar e bleu arkivin e poetit të shquar arbëresh për 3 milionë lireta në vitin 1952 dhe DPA-ja publikon edhe fletën e procesverbalit. Më poshtë fotot që janë interesante:

Procesverbali i marrjes në dorëzim

Disa shkencëtarë në Europë mendojnë se janë afër realizimit të një vaksine që imunizon njerëzit ndaj ngritjes së nivelit të kolesterolit dhe mandej uljen e riskut për sëmundjet kardiovaskulare. Studimi është publikuar së fundmi dhe ai përcjell disa rezultate shumë optimiste të testuar te minj, ndërkohë që ka nisur faza e testimit te njerëzit. Vaksina operon sipas parimit të vaksinave konvencionale me ndryshimin se ajo orientohet ndaj një proteine, jo ndaj një bakteri apo virusi.

Pas shumë kohëve tensione dhe përplasje, Ankaraja zyrtare ka ndërmarrë iniciativën diplomatike me Greqinë. Mediat greke raportojnë se kryeministri turk, Binali Yildirim ka përcjellë ndaj presidentit grek, Prokopis Pavlopoulos, kërkesën e presidenti turk, Reccep Tayyip Erdogan për një vizitë në Greqi.

Sipas mediave, Pavlopoulos ka pranuar kërkesën duke marrë nga Yildirim edhe konsideratat turke për vizitën e tij të fundit në Stamboll, e para e një presidenti grek në 65 vjet.

Këto dy ditë u publikua një investigim i Fiks Fare(http://www.respublica.al/2017/06/20/lushnje-beratstimulant%C3%AB-dhe-hor...) për atë që ndodh në fushat bujqësore të Lushnjes dhe Beratit, prej nga ku vijnë disa ushqime në tryezën tonë. Ngjyrosje, hormone, përdoren pa kriter. Dhe në fund edhe dollia e fermerit që po fliste pa e ditur se po regjistrohej: Unë fëmijëve të mi nuk u jap as domate, as shalqi.

Një 128-vjeçar në Salta të Argjentinës pretendon se është ish-udhëheqësi nazist Adolf Hitler dhe  se 70 vitet e fundit jetonte në fshehje. Teksa pretendimet e tij shtrihen në kufijtë e besueshmërisë ato përputhen me zbulimin e një trofeu të relikteve naziste në vend. Duke folur në një intervistë për mediat lokale, ai tha se kishte mbërritur në Argjentinë në vitin 1945 me një pasaportë të falsifikuar nga Gestapo në përfundim të Luftës së Dytë Botërore - duke e identifikuar atë si Herman Guntherberg.

Erion Veliaj është në avenirin e tij politik, pasi ka në dispozicion gjithë makinerinë e pushtetit për prerë shirita një herë në dy ditë dhe mbuluar me spektakël investimet publike. Rasti më i fundit ai i “Sheshit” Skëndërbej, ku një opozitë serioze do të kërkonte me ngulm transparencën e kostove dhe shpenzimeve që kapën shifrën e 16 milionë euro.

Shqipëria ka ambicjen për të hapur në dhjetor negociatat e anëtarësimit me Bashkimin Europian duke qenë se përmbushi një nga kushtet kryesore që kishte të bënte me miratimin e paketës së reformës në drejtësi. Mirëpo nuk është vetëm ky kusht që na hap dyert për në BE, kriter kryesor është edhe depolitizimi i administratës, një pikë që mbetet ende e pa plotësuar. BE nuk do t'i hapë dritën jeshile Shqipërisë me një administratë të mbushur me militantë politikë.