Lumi Zmeja doli nga shtrati dimrin e kaluar dhe unaza e qytetit të Rrëshenit u shtkatërrua. Çështja është kërkuar që të shqyrtohet në mbledhjen e Këshillit Bashkiak me këmbënguljen e këshilltarëve të opozitës. Më në fund është arritur që të futet në rendin e ditës. Rreth kësaj situate Televizoni Publik Shqiptar raporton se:

Zyra e kryeministrit përcolli një reagim të kreut të qeverisë lidhur me raportin e Task Forcës së ministrave teknikë për zgjedhjet e 25 qershorit.  Dokumenti që u prodhua si rezultat i marrëveshjes së 18 majit po kalohet me komente të shkruara, pa pritur të prezantohet ende zyrtarisht.  Kryeministri që u mbyll bashkë me Lulzim Bashën për disa orë, duke na u shfaqur si shpëtimtarë të përplasjes civile dhe mentorë të një kulture të re politike, tani kanë komoditetin të tallen me të gjithë.

Ja se çfarë shkruan kryeministri në reagimin e tij:

Lulzim Basha e komentoi me një postim në fejsbuk raportin ende të pazyrtarizuar të ministrave teknikë të Partisë Demokratike për zgjedhjet e 25 Qershorit. Duke iu shmangur një ballafaqimi me mediat për pikëpyetjet që ngrihen mbi axhendën politike të opozitës pas hartimit të këtij raporti, Basha pranon në postimin e tij dy gjëra:

Banorët e fshatit Antia në ishullin grek të Evias kanë kultivuar prej shekujsh një traditë komunikimi me fishkëllima. Ajo quhet Sfyria. Fshati ka pësuar rrudhje demografike, nga 250 në 37 në dekadat e fundit dhe siç mund të merret me mend, me moshën e madhe, bien edhe dhëmbët, dhe me dhëmbët e rënë, fishkëllima e pleqve nuk arrin notat e larta. Ka spekullime të shumta nga vjen sfyria: disa thonë se vjen nga ushtarët persë që u strehuan këtu mijëra vjet më parë, disa mendojnë se sfyria vjen nga kohët byzantine, të tjerë se burimi është që nga kohët antike.

Autoritetet ekuadoriane kanë arrestuar ekuipazhin e një anijeje me flamur kinez, Fu Yuan Yu Leng 999, për gjueti të paligjshme në Parkun Kombëtar të Galapagos. Në anije u gjetën mijëra peshkaqenë të destinuar për tregun aziatik. Galapagos janë një zonë ku ndalohet peshkimi dhe njihet si rajoni me përqendrimit më të madh të peshkaqenëve që përdoren gjerësisht në kuzhinën aziatike. 

Ndonëse zv.presidenti amerikan Mike Pence zhvilloi një vizitë në Ballkan për të riafrimuar mbështetjen amerikane në rajon, planifikimi buxhetor nga administrate Trump, jep tjetër mesazh. Bloomberg raporton se fondet e asistencës për Europën Lindore janë shkurtuar në një masë prej 336 milionë dollarësh dhe vende si Ukraina, Mali I Zi, Serbia, Letonia, Lituania, Estonia, Gjoergjia dhe Bullgaria, preken nga kjo masë.

Revista "The Economist" ka kritikuar ashpër presidentin amerikan Donald Trump duke e akuzuar se "nuk ka asnjë ide se çfarë do të thotë të jesh president i SHBA". Autori i tekstit shkruan se deklarata e fundit ku Trump synoi të ishte i baraslarguar duke fajësuar të dyja krahët për episodet në Virginia nuk la asnjë dyshim se cila palë është më afër zemrës së tij.

Nuk është vetëm Shqipëria pikë ku kontrollet kufitare për shmangien e azilkërkimit po koordinohen me polici të vendeve të BE-së. Së fundmi nuk ka kaluar pa vëmendje lajmi se Austria ka vendosur 70 trupa ushtarake në kufi me Italinë për të mos lejuar kalimin e refugjatëve. Italia është pikë hyrjeje dhe për vite të tëra nuk ka gjetur dot politikë më të mirë për menaxhimin e situatës sesa lejmin e kalimit të refugjatëve drejt vendeve destinacion, si Gjermania dhe Franca.

Enriko Leta, ish-kryeministër i Italisë ka publikuar sot në Corriere della Sera një opinion mbi marrëdhëniet mes Italisë dhe Gjermanië dhe pasojat e tyre në sferën europiane. Leta i vlerëson çekuilibrimet e fundit në Europë edhe si rrjedhojë e asaj që e quan fundin e marrëdhënieve të privilegjuara mes Italisë dhe Gjermanisë, të cilat nisën me mirëkuptimin De Gasperi – Adenauer dhe vijuan gjatë në raportet mes demokristianëve në të dyja vendet.

Një furgon ka hyrë në me stë një turme njerëzish në shëtitoren Las Ramblas në Barcelona të Spanjës, duke shkaktuar të paktën një të vdekur dhe 32 të lënduar, mes të cilëve 10 rëndë. Ka mospërputhje mes të dhënave të policisë dhe mediave spanjolle që flasin për 13 të vdekur. Po kështu njoftohet se ka patur edhe shkëmbime zjarri dhe dy persona janë arrestuar për armëmbajtje në zonën në fjalë. Policia spanjolle po e trajton rastin si sulm terrorist.