Marka të njëjta, ushqim inferior drejt Europës Lindore. Konfirmohet dyshimi disa vjeçar
Gazeta “The Guardian” i ka kushtuar një shkrim fjalimit vjetor të presidentit të Komisionit Europian, Jean Claude Juncker mbajtur para Parlamentit Europian. Gazeta është ndalur te tema e ushqimit që është prekur nga Juncker dhe për politikën e diferencimit cilësor që aplikohet nga kompanitë kryesore të cilat paktetimin dhe ambalazhimin e produkteve që tregëtojnë në Europën Lindore e kanë identik me atë në Perëndim, por cilësia është krejt tjetër.
Gjurmët e uraganit Irma
Rusia: Shqipëria po sakrifikon interesat e saj në këmbim të një përfitimi të pasigurt
Rusia e konsideron të gabuar dhe kundër interesave të Shqipërisë vendimin e Tiranës zyrtare për t'iu bashkuar embargos së Shteteve të Bashkuara të Amerikës dhe Bashkimit Europian ndaj Rusisë.
Në bisedën me gazetarin Vincent Triest, Karpushin nuk ngurroi të flasë për situatën në rajon, duke thënë se bllokimi i eksporteve bujqësore drejt Rusisë ka dëmtuar më së shumti fermerët shqiptar. Ai tha se është kanë qenë vetë biznesmenët shqiptarë që kanë shprehur këtë shqetësim në ambasadën ruse.
Një lojë e pistë
Shumëkush e mendoi si moment reflektimi deklaratën e Edi Ramës për çështjen e drogës gjatë fjalimit të parë në legjislaturën e re parlamentare. Ai vlerësoi opozitë se kishte shkundur qeverinë gjatë katër viteve për trafikun e drogës. Bashkë me vendimin e largimit përfudnimisht nga kabineti qeveritar të Sajmir Tahirit , kjo deklaratë paketohet si një mesazh politik që e bën këtë të fundit viktimën e radhës.
Berisha flet për një nismë që kthen dominimin serb në rajon
Ish-kryeministri Sali Berisha ka denoncuar përmes një shkrimi publikuar në "syri.net", atë që e quan nismë përjashtuese të disa vendeve të rajonit për krijimin e një blloku të Ballkanit Perëndimor, ku përfshihet, Shqipëria, Kosova, Mali i Zi, Serbia, Bosnje-Hercegovinën dhe Maqedonina dhe që tani njihet si “Nisma e Ballkanit Perëndimor 6” apo BP6.
Berisha thotë se nisma përjashton Kroacinë dhe Slloveninë, dy vende mike për shqiptarët me të cilat Shqipëria është aleate në NATO. Spas tij, nisma BP6 përveç frymës përjashtuese, rrezikon të nxisë nacionalizmat dhe demonët e tyre.
Misteri i problemeve shëndetësore të diplomatëve amerikanë në Kubë
Diçka misterioze po ndodh me diplomatët amerikanë në Havana të Kubës. Associated Pres shkruan së fundmi për hetimet që po kryhen nga pala amerikane rreth shkaqeve të simptomave që kanë prekur deri më tani 21 pjesëtarë të trupit diplomatik të SHBA në Kubë. Mjekët, shkencëtarët dhe analistët e shërbimeve sekrete nuk kanë qenë në gjendje të japin shpjegim se çfarë po ndodh ndonëse teoritë e tyre përfshijë armët elektromagnetike, pajisje përgjuese apo edhe një sulm zanor.
U bë edhe Federatë Ballkanike
Revista ekonomike “Monitor” publikon sot në faqen online një shkrim mbi përpjekjet për integrimin e Ballkanit Perëndimor, sipas axhendave të përcaktuara për të nga Samitet e fundit të nxitura nga Gjermania. Me fjalët e shkrimit të “Monitor” parashikohet të ndodhë:
Thellohet përplasja mes Turqisë dhe Gjermanisë
Turqia thirri ambasadorin gjerman në Ankara për të protestuar për një tubim të kurdeve në Këln, duke çuar edhe më tej tensionet në marrëdhëniet Berlin-Ankara.
"Ne dënojmë organizimin e një tubimi në qytetin gjerman të Këlnit nga grupet e degëve të organizatës terroriste PKK dhe faktin se propaganda terroriste u lejua nga autoritetet gjermane. Ne shprehëm reagimin tonë të fortë ndaj ambasadorit gjerman në Ankara, të cilin e thirrëm në ministri"- thuhet në deklaratën e Ministrisë së Jashtme turke.
Rishikohen titujt dhe medaljet për funksionarët e para vitit '90
“Shqiptarja.com” raporton sot për një nismë ligjore të shumicës socialiste për të rishikuar titujt dhe dekoratat për personat me funksione gjatë kohës së regjimit të para vitit ’90. Përveç kritereve të reja, nisma parashikon edhe rishikime duke prekur të gjitha figurat e nomenklaturës së pushtetit të Enver Hoxhës bashkë me përfitimet që rrjedhin prej tyre.
Pabesia e Veliajt, banorët e Shkozës përplasen te ambasadori i SHBA
Historia përsëritet, kur s'ka më asnjë shpresë se shteti shqiptar mund të ofrojë zgjidhje dhe të bëjë drejtësi qytetarët e këtij vendi shkojnë aty ku janë përplasur sa herë halli i tyre nuk është halli i qeverisë apo bashkisë. Ashtu si Filedzja që kërcënohej me jetë nga ish-bashkeshorti i saj dhe nuk ndjeu asnjë mbrojtje nga institucionet, edhe banorët e Shkozës të cilët janë rrethuar nga fadromat iu drejtuan për ndihmë ambasadorit amerikan, Donald Lu.