Ministrja e Jashtme e Shqipërisë, Elisa Spiropali, ka bërë në faqen e vet në Facebook, një prezantim tematik dhe fotografik të aktiviteteve ku ka marrë pjesë gjatë sesionit të Asamblesë së Përgjithshme të Organizatës së Kombeve të Bashkuara.

Spikasin të drejtat e njeriut, paqja, takimet me shumë përfaqësues shtetesh dhe organizatash, por edhe diskutime në kuadër të nismave rajonale si ajo Adriatiko-Joniane.

Media të ndryshme raportojnë se Sekretari amerikan i Luftës, Peter Hegseth, ka urdhëruar një takim me të gjithë ushtarakët e lartë amerikanë në mbarë botën, takim që parashikohet të mbahet në Quantico, Virxhinia, javën e ardhshme.

Në një shkrim të vetin, gazeta “Koha Ditore” në Kosovë, sjell një reagim të një “Zyrtari të lartë të Departamentit Amerikan të Shtetit” që shpjegon në kushte anonimati arsyet se pse SHBA vendosi të ndërpresë dialogun strategjik me Kosovën.

Silva Caka, ish-deputete e Partisë së Lirisë, është emëruar zv.ministre e Brendshme. Në internet gjen shkrime pa fund ku Silva Caka citohet me akuza të rënda penale ndaj Edi Ramës personalisht.

Sot zonja Caka gjeti një punë të re. Ajo është numri dy i një ministrie ku patjetër që do të japë kontributin e vet.

Politika e aplikuar në këtë mënyrë, nga njerëz që kapëcejnë me lehtësi ylberin e ka shndërruar këtë vend në një pavion. Nuk është rasti i parë. Kjo është filozofi.

SHBA është ndërruar me Europën. Rivali kryesor i momentit për Rusinë është Europa. Nëse i hedh një sy titujve të faqes kryesore të agjencisë ruse të lajmeve, “TASS”, Europa figuron si agjentja kryesore e luftës në Ukrainë, përkundër një statusi të ri të SHBA.

Është kurioze të vëresh se në media ka ende që e mbrojnë z. Erjon Veliaj. E portretizojnë si viktimë, duke u përqendruar te shkeljet që i janë bërë aitj në proces, pa vënë asnjëherë në dyshim integritetin e tij si figurë politike. P.sh Mero Baze është shumë i mërzitur me fatin e Erjon Veliajt. Si një gazetar me përvojë gjyshërore në luftën e tij me Saliun, edhe kësaj radhe, Bazen e acaron publikisht fakti se burgosjen e Erjon Veliajt opozita po ia atribuon vetes. Dhe një të drejtë e ka. Qoftë edhe sepse Saliu vazhdon zanatin.

Ndonjëherë, kur nuk kam ndonjë gjë më të mirë për të bërë, kthehem pas dhe mendoj për zgjedhjet e mëparëshme – kur të themi Mitt Romney garoi kundër Barack Obamës, apo John Kerry kundër George W. Bush. Përpiqem të kuptoj se pse politika dhe shoqëria në përgjithësi ndiheshin kaq ndryshe atëherë. Nuk është se nuk kishim mosmarrëveshje. Lufta e Irakut nxori në sipërfaqe disa argumente të helmëta. Nuk është as se nuk ishim të polarizuar. Ekspertët shkruanin për polarizimin politik që të patën në vitin 2000 dhe ndoshta edhe më herët.

Erjon Veliaj është shkarkuar sot nga detyra e kryetarit të Bashkisë së Tiranës. Vota në Këshillin e Bashkisë së Tiranës ka qenë thuajse unanime dhe ajo erdhi si kërkesë e këshilltarëve socialistë. Në mbledhjen e mbajtur me këtë rast, këshilltarë të shumtë kanë folur për Veliajn dhe problemet e tij qelizore me korrupsionin. Tani vendimi i shkon si propozim Këshillit të MInistrave që duhet të vendosë. 

Ikën kështu një e keqe e madhe nga drejtimi i Tiranës, nga perspektiva politike e vendit, ndonëse për akuza minimale në krahasim me ato zullume që janë bërë.

Plani i ri i Gjermanisë për riarmatimin që kap vlerën e 83 miliardë eurove, do të shkojë kryesisht në industrinë europiane. “Politico” raporton se plani i prokurimit ushtarak parashikon që vetëm 8% e shpenzimeve të shkojë për blerje në industrinë amerikane, çka i jep një goditje ambicieve të Donald Trump që industria amerikane të shihet si prioritet.

Presidenti i Federatës Ruse, Vladimir Putin, ka njoftuar përgatitjen e vendit të tij, forcave ushtarake strategjike për çdo eventualitet pas përfundimit të afatit të Traktatit të Reduktimit të Armëve Strategjike në vitin 2026. Në një takim me Këshillin e Sigurisë së Rusisë, Putin ka vënë në dukje se “Rusia po përgatitet që të reagojë me mjete dhe jo me fjalë përkundër çdo kërcënimi”.