Helmohet në Patok bashkëshortja e Ministrit të Brendshëm të Kosovës. Dreka pas takimit të dy homologëve, Hyseni-Tahiri
“Gazeta Shqiptare” ka publikuar lajmin se bashkëshortja e Ministrit të Brendshëm të Kosovës është helmuar gjatë një dreke në Patok, pas vizitës zyrtare të Skënder Hysenit me homologun e tij Shqipëri, Saimir Tahiri. Burime të gazetës në vendngjarje pohojnë se zonja Hyseni është dërguar me urgjencë në Spitalin e Laçit, duke shfaqur me shenja dobësie. Zonja Hyseni ka marrë serum dhe menjëherë pas përmirësimit, ajo është nisur drejt Kosovës. Burime të sigurta për “Gazetën Shqiptare” sqaruan se ditën e djeshme, ministri i Brendshëm i Kosovës, Skënder Hyseni së bashku me bashkëshorten dhe kabinetin e tij kishin ndaluar për të ngrënë një drekë në Patok të rrethit të Kurbinit.
l.v
Add new comment