16 viktima nga uragani Sandy, New Yorku në errësirë

Uragani Sandy që ka përfshirë brigjet lindore të Shteteve të Bashkuara duket të jetë i pamëshirshëm. Të aktën 16 viktima raportohet të ketë pasur brenda 24 orëve, ndërsa alarmi ka shpërthyer përreth centralit të energjisë bërthamore të Oyster Creek, në jug të New Jerseyt, ku mësohet se uragani ka shkatërruar gjithcka.

Mes viktimave ka edhe 3 fëmijë. Sipas mediave botërore mësohet se viktimat janë shënuar në pjesën më të madhe nga rënia e pemëve, në Nju Xhersi, Nju Jork, Maryland, North Carolina, West Virginia, Pensilvania dhe Connecticut. 

Në New York qindra mijëra njerëz kanë vuajtur mungesën e energjisë elektrike, ndërprerja më e madhe kjo që prej vitit 2003. Mësohet se pa energji kanë mbetur të paktën 350,000 persona ose rreth 1.5 milion në të gjithë vendin.

Ballkanweb.com