Kodi i taksave, Obama: Të pasurit të paguajnë më shumë

Ata që kanë të ardhura më shumë duhet të paguajë më shumë, deklaron  presidenti Obama ndërsa adreson të ashtuquajturin shkëmb fiskal që përbën sfidën e tij të parë pas rizgjedhjes në Shtëpinë e Bardhë. Presidenti amerikan kërkon atë që e cilëson si barazi fiskale  ndërsa njoftoi fundin e epokës së taksave minimale për pronarët, ndërsa  le të hapura mundësitë për të diskutuar çdo propozim konstruktiv.
 
"Nuk jam i ankoruar pas çdo detaji të planit tim. Unë jam i hapur për një kompromis. Unë jam i hapur për ide të reja. Jam i angazhuar për zgjidhjen e çështjes, por refuzoj të pranojë qasje që nuk janë të balancuara", deklaroi ai.
 
Negociatat janë të detyrueshme nisur dhe nga fakti që kongresi kontrollohet  nga republikanët. Më herët më optimizëm për arritjen e një kompromisi u shpreh dhe kreu i dhomës së përfaqësuesve John Bejner. Republikani përsëriti kundërshtimin e tij të prerë  për çdo rritje në normat e taksave, por sipas tij ka ende shpresa për një marrëveshje me Obamën dhe demokratët në Kongres për kodin e taksave. Shtëpia e Bardhë bëri të ditur se Obama do t'i ftojë liderët e Kongresit në Shtëpinë e Bardhë javën e ardhshme, për bisedimet lidhur me "shkëmbin fiskale".  Më 31 dhjetor skadon afati për shkurtimin e disa taksave dhe prezantimin  e rritjes së disa taksave të tjera e më një janar hyjnë në fuqi shkurtimet automatike të buxhetit. Këto shkurtime do të ndihmojnë në uljen e shpenzimeve qeveritare, por një gjë e tillë, sërish nënkupton më pak para në ekonominë amerikane. Bëhet fjalë për një mungesë prej 600 miliardë dollarësh që rrezikonë në mënyrë dramatike ngadalësimin e ekonomisë amerikane.

Delina Bitraku

Albanian Screen