Veliaj emëron drejtuesit e rinj të SHSSH, SHKP dhe ISHP

TIRANE- Ministri i Mirëqenies Sociale dhe Rinisë, Erion Veliaj ka njoftuar nëpërmjet Twitter emërimin e disa drejtorëve të rinj në ministrinë që ai drejton.

Etleva Bisha është meruar Drejtoreshë e Shërbimit Social Shtetëror (SHSSH), duke zëvendësuar në këtë pozicion zotin Ilirjan Çukaj. Genci Kojdheli, një nga bashkëpunëtorët e vjetër të Veliajt është emëruar Drejtor i Shërbimit Kombëtar të Punës(SHKP). Në këtë post ishte më parë Thoma Miço, nënkryetar i partisë MEGA.
Po ashtu ndryshime ka pësuar edhe Inspektoriati Shtetëror i Punës(ISHP), ku nga sot drejtohet nga Dritan Ylli, i cili zëvendëson në këtë detyrë zotin Erion Manohasa.
“Inspektorati Shteteror i Punes ka sot drejtor @DritanYlli Qofsh i palodhur ne nje detyre ku kerkohet reforme radikale! Mireserdhe ne ekip! @GenciKojdheli nga sot do drejtoje Sherbimin Kombetar te Punes per ta kthyer ne nje mjet dinjitoz e efikas per punesim! Mireserdhe ne ekip! Sukses dhe kuraje per @bishaetleva – Drejtoresha e re e Sherbimit Social Shteteror – puna me e veshtire dhe me e bukur! Mireserdhe ne ekip!”- shkruan Veliaj në Twitter.
Më tej, ai shton, se ka falenderuar për punën dhe kontributin tre paraardhesit në SHSSH, SHKP dhe ISHP.

Panorama