“Quo vadis” përsëri Jozefinë...?

Kuvendi njihet si institucioni më “dorëshpuar” në drejtim të përdorimit të fondeve të buxhetit të shtetit. E përditshmja “Shekulli” është hapur sot me titullin: “Topalli kërkon të blejë makinë 240 mijë USD”, ndërsa në brendësi thekson edhe faktin se Kuvendi ka një administratë tejet të fryrë “duke u kthyer në një Zyrë Punësimi”. Më tej vijohet me përfitimet e Kryetares së Kuvendit dhe vartësve të saj.

Sipas buxhetit 2012 të Kuvendit, të cilit edhe i referohet gazeta, përveç pagës 227 mijë lekë në muaj, Kryetarja merr edhe 108 mijë lekë dieta. Për sa i përket administratës së Topallit, theksohet fakti se pagat e tyre janë sa 80 për qind të fondit të pagave që përfitojnë deputetët e Kuvendit të Shqipërisë.

Pak javë më parë ne kemi cekur edhe një herë shpenzimet e mëdha të Kryeparlamentares (http://respublica.al/artikuj/2012/1/6/kuvendi-7-milione-leke-ne-muaj-karburant-ose-quo-vadis-jozefine), por nisur nga publikimi i sotëm është rasti për të thënë sërish: Quo vadis përsëri Jozefinë...?

S.E.