Berisha ka një opinion mbi euron

Kryeministri Sali Berisha deklaroi sot opinionin e tij mbi monedhën e përbashkët evropiane, Euro, duke thënë se sipas mendimit të tij, themelet mbi të cilat kjo monedhë u ndërtua, qenë të gabuara, ndërsa krijimi i monedhës së përbashkët nuk qe një gabim në vetvete.

Berisha e shprehu opinionin e tij për euron para një grupi studentësh europianë që gjenden në Shqipëri për një udhëtim studimor.

“Krijimi i monedhës së përbashkët nuk qe gabim, por mënyra se si ajo u krijua qe gabim,” – tha Berisha të rinjve europianë ndërsa lavdëroi qeverinë e tij edhe për normën e ulët të vdekshmërisë mes shqiptarëve.

Berisha pati deklaruar dy vjet më parë se leku duhet të dorëzohet ndaj euros, duke kërkuar anëtarësimin e Shqipërisë në Eurozonë, ndërsa kriza e borxheve sovrane duket se e ka shyrë të ndryshojë mendim.

Deklarimi i Berishës dy vjet më parë shkaktoi një tërmet në tregun e këmbimit valutor dhe zhvlerësoi lekun ndjeshëm brenda pak ditësh. (gazeta-Shqip.com)