Gjenden edhe deputetë “maqedonë”. Një tjetër hua për komshinjtë

Tre deputetë maqedonë ka gjetur gazeta fqinje “Makedonium” në rradhët e parlamentarëve të Kuvendit të Shqipërisë: Dy deputetët  socialistë Namik Dokle dhe Taulant Balla, që kanë prejardhje nga Golloborda, dhe deputeti i PD-së Myqerem Tafaj, po ashtu me origjinë maqedonas. Ky lajm ka bërë përshtypje sepse vjen menjëherë pas identifikimit të gjashtë deputetëve me origjinë minoritare greke nga mediat helene. Por në rastin më të freskët, “Makedonium” ka ankesa: “Por këta deputetë, jo vetëm që nuk deklarohen si maqedonas, përkundrazi më së shumti i dëmtojnë interesat maqedonase në Shqipëri”, dhe sillet si shembull sjellja e ministrit dhe deputetit Tafaj, i cili e pengonte realizimin e kursit në gjuhën maqedonase në Gollobordë”. Ky gjurmim bashkëkombasish të dikurshëm të kujton pak entuziazmin tonë për ndonjë aktor hollivudian me rrënjë shqiptare, por Shkupi vuan nga një overdozë huazimesh: Nga Aleksandri i Madh, tek Nënë Tereza.

A.K