A.Peza: Të shkarkohet Endira e AMA-s, të shkrihet Këshilli Drejtues i RTVSH-së

Klientelizëm i skajshëm në dhënien e licencave për operatorë afër pushtetit, diskriminim i tregut duke e vënë në kushte të pabarabarta; disa frekuenca kombëtare u zaptuan dhe legalizuan, të tjerëve u ndalohen dhe licenca lokale duke u vënë në shërbim të një grupi mediatik si ushtarë. Këto janë bëmat e kryetares së AMA-s Endira Bushati sipas deputetit Alfred Peza, nënkryetar i komisionit parlamentar të Medias. Duke folur sot në punimet e këtij komisioni, deputeti socialist kërkoi fillimin e procedurës për shkarkimin e Endira Bushatit si dhe fillimin e procedurës për shkrirjen e Këshillit Drejtues të RTVSH dhe emërimin e këshillit të ri. Nga ky këshill do të zgjidhet dhe drejtori i ri i Radio-Televizionit Publik. Peza e arsyetoi kërkesën jo vetëm në përfundimin e mandatit, por dhe në performancën e dobët dhe shkeljet e mëdha antiligjore të vërejtura në punën e AMA-s (Autoriteti i Mediave Audiovizive) dhe Këshillit Drejtues të RTVSH.

a.k