Ndahet Nobëli për Fizikën, media kiliane rendit Kadarenë të parin për Letërsinë
Dy shkencëtarët që po punojnë për zbulimin e të ashtuquajturës “grimcë e Zotit”, janë vlerësuar sot me çmimin “Nobel” në Fizikë. Britaniku Piter Higs dhe belgu Fransua Engler, do të ndajnë çmimin e rëndësishëm të këtij viti. Ata po punojnë që prej vitit 1960, për të vërtetuar ekzistencën e një thërrmije shumë të vogël, që mendohet se është baza e materies. Puna e tyre dha frytet e para në vitin 2012, kur përmes laboratorit “Large Hadron Collider” në Zvicër, u arrit shumë pranë zbulimit të grimcës. Kërkimet e dy shkencëtarëve në këtë projekt vijojne ende.
Kjo është java e çmimeve “Nobel”, e cila u hap dje me ndarjen e vlerësimit për mjekësinë. Të premten, pritet të jepet çmimi më i rëndësishëm, ai për paqen.
Gazeta e madhe kiliane ‘La Tercera’ botoi më 4 tetor, një shkrim të gjatë dhe të argumentuar për laureatët e mundshëm të Nobelit për letërsinë për këtë vit. Kritikë dhe shkrimtarë botërorë shprehen aty për trofeun e Nobelit, që shpallet të enjten e ardhshme. Midis të preferuarve, emrat më të përmendur janë shqiptari Ismail Kadare, amerikani Philip Roth dhe japonezi Murakami. a.n.
Comments
Së pari, thuhet «Nobel» dhe
<div>Së pari, thuhet «Nob<strong>e</strong>l» dhe jo «Nob<strong>ë</strong>l» - siç shohim ta shkruajnë shpesh gazetat - pasi nuk ka asgjë të përbashkët në emër me fjalën «noble», përveç qëllimit fisnik të krijuesit të vet. Alfred Nobel ndërsa i hynte kësaj pune, nuk kish ta dinte se do u hapte kaq shumë kokëçarje shqiptarëve dhe shkrimtarëve të tyre. Fredi (siç e quanin mes miqsh) mbahet mend për shpikjen e dinamitit (një përzierje shtufi dhe nitroglicerine) dhe çmimit që mban pikërisht emrin e vet. Dhe së treti, po të hapim ndonjë faqe bastexhinjsh anglezë në internet, do shohim se favoritët janë <em>Haruki Murakami</em> (2.5 me 1) dhe <em>Alice Munro</em> (4 me 1). Gjithë të tjerët pastaj kanë pak shanse për ta fituar këtë çmim. Me gjithë vullnetin dhe dëshirën e mirë të gazetave kiliane*, Kadareja edhe këtë vit besoj do mbetet pa gjë dhe sërish do shfaqen në shtyp ata titujt e vjetshëm, me ndonjë ndryshim të vogël në zgjedhjen e fjalëve.</div><div> </div><div>* <em>I vlerësoj jashtë mase gazetat kiliane. Kryesisht për faktin se nuk janë shqiptare.</em></div>
Add new comment