Pas Kroacisë edhe India shpall si vepër penale homoseksualitetin. Në Shqipëri pritet nisma për martesat gay

Pak ditë më parë  doli lajmi sipas të cilit bëhej e ditur se Kroacia, përmes një referendumi i tha “Jo” martesave gay, duke zgjidhur kështu një debat të madh mbi të drejtat e këtij komuniteti. Por edhe India, duket se ka dalë me një “Jo” ndaj marrëdhënieve homoseksuale, teksa gjykata e lartë e këtij vendi i ka cilësuar ofendim ato, duke iu referuar një ligji të trashgëguar nga periudha koloniale britanike. Vendimi ka zgjuar debat, jo vetëm nga komuniteti LGBT, por edhe nga pjesë të tjera të shoqërisë, pasi siç shprehen ata shoqëria indiane është shumë tolerante. (http://www.aljazeera.com/news/2013/12/indian-top-court-says-gay-sex-an-offense-2013121152555111516.html). Të gjitha rastet e legalizimit ose jot ë martesave gay, apo të normalizimit brenda shopqërisë të marrëdhënieve homoseksuale, janë një analogji edhe për Shqipërinë. E kritikuar shpesh për patriarkalizëm, apo e stigmatizuar për karakterin tribal të shoqërisë, së fundmi, Shqipëria-më saktë klasa drejtuese politike- ka befasur të gjithë me propozimin për të legalizuar martesat gay. Aq më tepër që në këtë rast në vështrim vjen edhe feja që luan rol përcaktues në këto debate. Lehtësia e propozimit, nga ish-kryeministri fillimisht dhe tani nga Avokati i Popullit për legalizimin e tyre dhe mosreagimi, janë tregues që duan mbajtur shënim. Kjo pasi shpesh kemi parë se edhe në vendet fqinj me ne, të ngjashme për nga mentaliteti, reagimi ka qenë shumë më i dhunshëm. Rasti i para dy viteve në Lezhë është një përjashtim, sikundër edhe deklarata e ish-zv.ministrit të Mbrojtjes, Ekrem Spahia se “do t’i kapim në hu homoskesualët”.

s.z