Politikë

Duhet shpresuar megjithë mend që reforma në drejtësi të japë rezultate, qoftë edhe duke u nisur nga masa e shpërblimeve që po mendohet të aplikohet për gjyqtarët dhe prokurorët që do të jenë në sistem. “Shqiptarja.com” shkruan sot se pas kërkesës këmbëngulëse të përfaqësuesve të SHBA-BE, përveçc rrogave të mira dhe priviligjeve,  gjyqtarët dhe prokurorët, të cilët do të kalojnë me sukses procesin e Vetingut do të kenë një shpërblim të shumëfishtë, të sigurt dhe afatgjatë.

Fotoja e rastit, në shoqërinë e bashkëshorteve respektive është bërë me rastin e punimeve në OKB ku marrin pjesë dretjues shtetesh. 

Mazhoranca ka vendosur që dy nisma ligjore, ajo për heqjen e dekoratave për bashkëpunëtorët e ish-sigurimit të shtetit dhe dekreti për menaxhimin e integruar të mbetjeve të cilat u përfshinë në kalendarin e punimeve të Kuvendit për periudhën 18 shtator deri në 13 tetor, të hidhen për diskutim në popull.

Në ditën e dytë të punimeve të komisioneve parlamentare, kanë nisur edhe përplasjet e para. Qeveria nis zvarritjen e procedurave për krijimin e institucioneve të reja të drejtësisë. Kërkon rishikim të strukturave të këtyre institucioneve. Ndërkohë deputetët kërkojnë garanci.

Ministri i Brendshëm Fatmir Xhafaj ka shprehur sot falënderime për të gjithë ata që e kanë mbështetur në nisjen e procesit të vettingut në Policinë e Shtetit. Është në fakt një premtim i mbajtur i z. Xhafaj, i cili gjithësesi krijon një kakofoni me qëndrimet e deritanishme të qeverisë për këtë institucion.

Para pak ditësh mediat raportuan për një takim të kryeministrit Rama me ambasadorët e disa vendeve partnere. Zyra për shtyp e kryeministrit nuk raportoi asgjë mbi këtë takim, që u aludua se kishte të bënte me formimin e kabinetit të ri qeveritar. Por sot mediat greke kanë raportuar se në takim u diskutua për çështjen e prishjes së disa ndërtimeve në Himarë në kuadër të planit të ri urbanistik. Sipas gazetës "To Ethnos" ambasadorët e BE dhe SHBA u pozicionuan qartësisht në krah të banorëve të Himarës. 

Lulzim Basha deklaroi para pak ditësh se marrëveshja mes tij dhe Erdi Ramës ka rënë, por lëvizjet e fundit tregojnë se përtej retorikës politike për të treguar një distancë mes të dyve, nën rrogoz punët duket se po shkojnë vaj.
Partia Demokratike do të propozojë në Kuvend rikthimin e sistemit maxhoritar, ku Shqipëria të jetë e ndarë në 100 zona elektorale, një prej çështjeve ku Edi Rama dhe Lulzim Basha mendohet se kanë rënë dakord që me marrëveshjen e 18 Majit.

Rusia e konsideron të gabuar dhe kundër interesave të Shqipërisë vendimin e Tiranës zyrtare për t'iu bashkuar embargos së Shteteve të Bashkuara të Amerikës dhe Bashkimit Europian ndaj Rusisë.
Në bisedën me gazetarin Vincent Triest, Karpushin nuk ngurroi të flasë për situatën në rajon, duke thënë se bllokimi i eksporteve bujqësore drejt Rusisë ka dëmtuar më së shumti fermerët shqiptar. Ai tha se është kanë qenë vetë biznesmenët shqiptarë që kanë shprehur këtë shqetësim në ambasadën ruse.

Shumëkush e mendoi si moment reflektimi deklaratën e Edi Ramës për çështjen e drogës gjatë fjalimit të parë në legjislaturën e re parlamentare. Ai vlerësoi opozitë se kishte shkundur qeverinë gjatë katër viteve për trafikun e drogës. Bashkë me vendimin e largimit përfudnimisht nga kabineti qeveritar të Sajmir Tahirit , kjo deklaratë paketohet si një mesazh politik që e bën këtë të fundit viktimën e radhës.

Ish-kryeministri Sali Berisha ka denoncuar përmes një shkrimi publikuar në "syri.net", atë që e quan nismë përjashtuese të disa vendeve të rajonit për krijimin e një blloku të Ballkanit Perëndimor, ku përfshihet, Shqipëria, Kosova, Mali i Zi, Serbia, Bosnje-Hercegovinën dhe Maqedonina dhe që tani njihet si “Nisma e Ballkanit Perëndimor 6” apo BP6. 
Berisha thotë se nisma përjashton Kroacinë dhe Slloveninë, dy vende mike për shqiptarët me të cilat Shqipëria është aleate në NATO. Spas tij,  nisma BP6 përveç frymës përjashtuese, rrezikon të nxisë nacionalizmat dhe demonët e tyre.