Politikë

Parlamenti miratoi pa rrjedhje ndryshimet në Ligjin për Lojrat e Fatit, duke i hapur rrugë nismës së qeverisë për mbylljen e basteve sportive dhe lojrave elektronike në distancë që nga 1 Janari.

Opozita nuk ishte e pranishme në sallë, por Lulzim Basha i pyetur gjatë konferencës për shtyp të kësaj të enjte la sërish hapësirë për interpretime.

Deklaratë e Aleancës për Mbrojtjen e Teatrit ndërkohë që zhvillohej seanca ku u votua për dekretin e Presidentit Ilir Meta:

Deputetë të Kuvendit të Shqipërisë, 
Ju jeni mbledhur sot për të rishqyrtuar një dekret të Presidentit në lidhje me ‘ligjin special’ për prishjen e Teatrit. Aleanca për Mbrojtjen e Teatrit ka një kërkesë të thjeshtë ndaj jush: pranoni dekretin dhe rrëzojeni njëherë e mirë këtë çmenduri anti-kushtetuese!

Ish-ministri i Jashtëm grek Nikos Kotzias, tashmë i çliruar nga përgjegjësitë diplomatike ka zbuluar të tjera detaje nga negociatat për marrëveshjen e detit me Shqipërinë dhe pozicionimin e Greqisë për të shtrirë sovranitetin e saj në 12 milje detare në detin Jon. 

Duke iu referuar zonës bregdetare nga Veriu i Korfuzit deri në Antikythera, Kotzias thotë se me shpalljen e 12 miljeve det territorial Greqia fiton një hapësirë detare të barabartë me sipërfaqen e krahinës së Thesalisë.

Ashtu si disa media në Shqipëri edhe gazeta turke Hurriyet qarkullon variantin se Athina është tërhequr nga deklarimi i 12 miljeve det territorial duke qëndruar në parimin e 6 miljeve siç ka operuar deri më tani.

Pa iu referuar ndonjë vendimi konkret Hurriyet merr shkas nga takimi i kryeministrit Tsipras, njëherësh ministrër i Jashtëm me drejtues të lartë të dikasterit që drejton dhe ndryshimit të qëndrimit për tre dekretet presidenciale të përmendura nga ish-ministri Kotzias.

Para pak javësh Lulzim Basha lëshoi akuza të ashpra për lidhje klienteliste dhe kriminale të qeverisë me lojrat e fatit, madje paralajmëroi fakte tronditëse që do zbulonin implikimin e Olsi Ramës dhe Agron Xhafës në biznesin e kumarit.  

Kryetari i PD  i shoqëruar nga Monika Kryemadhi organizuan një takim të opozitës në Durrës ku folën për flukse parash me burime të dyshimta të kanalizuara te kjo industri, duke e përdorur si argument për daljen e opozitës nga parlamenti.

Në “luftën” kundër medias, kësaj radhe, Kryeministrit Rama i është bashkuar edhe drejtori i Komunikimit në Kryeministri, Endri Fuga. Shënjestra është raporti mes gazetarëve – disa prej tyre -  dhe Sali Berishës.

Kur ju shoh se si squlleni per inerci perballe Saliut, jam shume krenar qe e nxorrem ne pension kete vjetersire komuniste! 100 here me mire mosmiresjellja juaj ndaj kryeministrit te sotem, sepse tregon se jeni krejt te lire edhe pse s’jeni hiç etike

shkruan Fuga në një postim të vetin në tuiter.

Ministri i Brendshëm, Fatmir Xhafaj, ka deklaruar pak minuta më parë përmes një postimi në tuiter, se së shpejti do të propozohet një paketë antikrim. Xhafa paraljamëron një mjedis mbytës për të fortët.

Mbetet e paqartë se çfarë është kjo paketë antikrim, pasi Shqipëria ka ligjet dhe kuadrin nënligjor të plotësuar për të goditur krimin në çdo drejtim. Qeveria po vepron me shumë nxitim, ajo po kap ata që dikur nuk kapeshin dot, po flet për emergjencë të krimit, ndërkohë që deri dje mbronte versionin se çdo gjë është në normalitet.

Partia Socialiste thuhet se ka shkarkuar 11 kryetarë degësh të saj gjatë mbledhjes së sotme të Kryesisë së saj. Mediat citojnë një prej drejtuesve të PS-së, Elisa Spiropali të jetë shprehur për arsyet e këtij pastrimi:

Vihet re një shkëputje nga disa territore, drejtuesve politikë u është kërkuar prezencën e tyre. Sidomos nga bashkitë që drejtohen nga opozita, ku vihet re një degradim i madh së pushtet lokal me qytetarët.

Qeveria ka dhënë së fundmi shenja se po do të bëjë diçka kundër krimit. Ajo ka arrestuar disa njerëz të afërt me të. Ndonëse mbetet ende për t’u parë fundi i kësaj që ka nisur, në çdo rast, kostot dhe përfitimet, apo edhe fatura i shkon qeverisë. Kryeministrit Edi Rama së pari dhe ministrit të Brendshëm, Fatmir Xhafaj.

Ish-deputeti socialist Arben Çuko është vënë në pranga për korrupsion. Në fillim të shtatorit ai u shkarkua si Drejtor i Përgjithshëm i Burgjeve, detyrë që e ushtroi për dy vjet.

Ai dyshohet se jepte lejeve për të burgosurit kundrejt parave. Sipas informacioneve Çuko është zbuluar nga përgjimet e një grupi të përfshirë në trafik droge.

Në njërin prej përgjimeve të anëtarëve të grupit kriminal të trafikut të drogës ka dalë emri i Çukos, që jepte leje për të burgosurit kundrejt pagesave, ndërkohë që ende nuk dihen se kush është përfituesi apo përfituesit.