Lajme

Revista ekonomike “Monitor” shkruan sot se tregu i rrobave të përdorura në Shqipëri ka njohur rritje të madhe. Gabi, siç edhe quhet në Tiranë, është bërë ofertë kryesore në një treg ku ka shumë nevoja, pak lekë, por edhe ku konformimi me luksin e dukjes në një xhiro në Bllok, synon gjetjen e një formule tipike shqiptare: Edhe mirë, mall firmato, edhe lirë, edhe e përdorur(shkeli syrin vetes), por edhe “status” prej klienti që di të kërcasë takat.

Presidenti i Republikës, Ilir Meta, ka dekoruar me  “Dekoratën e Artë të Shqiponjës”(pas vdekjes), të ndjerin Agur Vrenozi, qytetari fierak që humbi jetën pasi ndërhyri për të ndihmuar një bashkëqytetar që po grabitej. Fjala është për ngjarjen e rëndë të Fierit, ku disa grabitës tentuan të merrnin paratë në një qendër këmbimi dhe Vrenozi, pronar i një byrektoreje ndërhyri për ndihmë.

Fatkeqësia e madhe i mori jetën Vrenozit, që sot ka tërhequr edhe vëmendjen e institucioneve.

Dyshimeve se kokaina e kapur në Durrës ishte rezultat i bashkëpunimit me agjencitë e huaja dhe jo një operacion i pavarur i policisë shqiptare i shtohet një provë e fortë. Ministri i Mbrojtjes i Kolumbise, Luis Carlos Villegas teksa ka qene duke folur gjate vizites ne bazën e Forcave Speciale të Policisë Kombëtare, ka permendur mes te tjerash operacionin e madh te finalizuar ne Shqiperi, ku sipas tij 613 kg kokaine e ardhur nga Kolumbia u kapën sajë një operacioni të mirëkordinuar ndërkombëtar.

Lëvizja "5 Yjet" e themeluar nga Bepe Grillo rezulton parti e parë nga votimet e së dielës në Itali me 31% të votave dhe 235 vende në dhomën e ulët, ndërsa qendra e  djathtë është koalicioni fitues me 37% të votave. 

Në radhët e koalicionit të djathtë, Lega Nord e Matteo Salvini-t përqendrohet në 18.69% të votave dhe 117 vende në dhomën e ulët. Forza Italia e Silvio Berlusconi-t ka fituar 13.45% të vitave dhe 102 vende në dhomën e ulët. Partia Demokratike (PD) e sheh veten në rënie me 19.4% të votave. 

Punimet për 5 xhamitë që do t'i nënshtrohen restaurimit dhe që cilësohen si monumente osmane do të kryhen nga Agjencia Turke për Bashkëpunim dhe Koordinim (TIKA). Agjencia Anadolu raporton se brenda muajit mars do të nisin punimet për restaurimin e Xhamisë së Et’hem Beut në kryeqytetin e Tiranës, Xhamisë së Pazarit në Gjirokastër, Xhamisë Mbret në Berat dhe Teqesë Halveti dhe Xhamisë së Beqarëve në Berat.

Lideri i Forza Italia, Silvio Berlusconi u ndesh me një protestë të Lëvizjes Feministe gjatë votimit për zgjedhjet parlamentare të dielën. Një aktiviste e kësaj Lëvizje u ngjit në tryezën e votimit gjysmë lakuriq me parrullën Berlusconi sei scaduto të shkruajtur ne trup. 

Unifikimi mes doganave të Shqipirësë dhe Kosovës i paraprin politikave dhe marrëveshjejeve të dy vendeve, por që të arrihet plotësisht do të nevojitet kohë. Drejtori i Procedurave Doganore, Saimir Sinani, thekson se sot për sot vështirësia qendron te njësimi i dokumenteve mes dy vendeve.

Ndërsa, lidhur me depozitimin e deklarimeve online të biznesit, tashmë procedura ka ndryshuar dhe verifikimi bëhet nga një punonjës i cili përzgjidhet autmatikisht nga sistemi, duke bërë edhe vlerësimin e çmimit sipas një metodologjie krejt tjetër nga ajo që është përdorur.

Duket se deti po jep shenja të qarta për dukurinë e erozionit në brigjet shqiptare teksa në Veliopojë uji ka mbuluar 14 km të vijëas bregdetare dhe ka arritur në 60 cm. Videot e përcjella nga AbcNews tregojnë përparimin e detit në një thellësi të konsiderueshme plazhi, që na kujton atë që ndodh prej kohësh në derdhjen e Semanit.

Rusia pretendon se ka kryer me sukses testimin e një reaktorëve bërthamorë në miniaturë që mund të instalohen në raketat kruiz apo dronët nënujorë. Lajmi bëhet i ditur nga agjencia shtetëore TASS që citon burime të ushtrisë. Sipas tyre raketat e pajisura me këto njësi të energjisë bërthamore do të kenë rreze të pakufizuar veprimi dhe do të përdoren edhe në njësi nënujore në kuadër të një sistemi shumëqëllimësh oqeanik.

Nuk duket të ketë qenë koinçidencë kapja e ngarkesës me 613 kilogramë kokainë pak ditë vizitës në Britani të ministrit të Brendshëm Fatmir Xhafaj.  Burime zyrtare thanë për Respublica se temë e diskutimeve të zotit Xafaj në Londër ka qenë edhe krimi i organizuar dhe në veçanti trafiku ndërkombëtar i drogës, ku janë dhënë informacione konfidenciale.