Lajme

Memorandumi mes Turqisë dhe Libisë për Zonën Ekskluzive Ekonomike është përfshirë në bazën e të dhënave të Divizionit për Çështjet e Oqeanit dhe Ligjit të Detit në Organizatën e Kombeve të Bashkuara. Kjo lëvizje është interpretuar nga Ankaraja zyrtare si zyrtarizim i marrëveshjes me qeverinë e al-Sarraj dhe po kundërshtohet nga Athina zyrtare.

Dëbimi i turkut, Harun Çelik, nga autoritetet shqiptare në ditën e parë të 2020-s, për Avokatin e Popullit është shkelje flagrante e të drejtave të njeriut. Erinda Ballanca, kreu i këtij institucioni, thotë së policia gaboi me dorëzimin e tij, duke mos i lënë hapësira dhe mundësi për ankimim. Ballanca në një intervistë për TVT-në thotë se institucioni që ajo drejton ka listuar të gjitha shkeljet e shetit shqiptar, mbi procedurën e ndjekur për ekstradimin e Çelik.

Shkencëtarët kanë detektuar për herë të parë sinjale radio nga hapësira jashtë sistemit diellor që përëriten në intervale të rregullta. Kapja e parë u dëgjua një herë në një orë për katër ditë, mandej u ndërpre për të rinisur sërish 12 ditë më vonë. Ky cikël u përsërit për çdo 16.35 ditë për më shumë se një vit dhe sinjali origjinonte nga një galaktikë që është 500 milionë vjet dritë larg. Shkencëtarët spekullojnë se burimi mund të jetë një trup qiellor që orbiton rreth një ylli apo trupi tjetër. Por rregullsia e sinjalit nuk shpjegohet me këtë hipotezë.

Një ekip kërkuesish nga universiteti i Kalifornisë pretendon se ka zbuluar një “specie fantazmë” njerëzore e cila është zhdukur mijëra vjet më parë por që ka lënë gjurmët e veta genetike te popullsitë e Afrikës së sotme Perëndimore.

Gjykata e Strasburgut i ka dhënë të drejtë Spanjës për kthimin e emigrantëve mbrapsht. Gjykata Europiane e të Drejtave të Njeriut ka shqyrtuar rastin e emigrantëve N.D. dhe V.T., të cilët janë dëbuar nga Spanja në Marok. Rasti i dy emigrantëve në fjalë i përket shkurtit 2015 dhe është mbështetur nga Qendra Evropiane për të Drejtat Kushtetuese dhe të Njeriut. Kjo është hera e parë që GJEDNJ merr në shqyrtim një rast të kthimit të emigrantëve.

Sot prokuroria e Gjirokastrës ka reaguar ndaj një lajmi sipas të cilit hetimi për vdekjen e Konstandin Kacifas ka gjetur si shkak vetëvrasjen. 
Prokuroria deklaron se hetimi është ende në fazë paraprake dhe se lajmet e paverifikuara zyrtarisht  ndikojnë për keq në të. 

Më tej prokuroria bën thirrje që për rastin në fjalë mediat të bazohen në burime zyrtare.

Parimisht organi i akuzës ka të drejtë, por praktikisht këtu kemi dëshminë e një hipokrizie. Kjo sepse prokuroria ka dy vjet që heton vrasjen e Kacifas dhe është hermetike në dhënien e informacionit. 

Tiranës do t’i shtohet së shpejti ndoshta një kompleks në terrenin ku dikur ndodhej ekspozita “Shqipëria Sot”. Studioja “Mario Cucinella Architects” publikon projektin e realizuar prej saj me të dhënat konkrete dhe faktin se ka marrë tanimë lejen e punimeve. Kulla e re do të jetë 93 m e lartë dhe në të do të ndërtohen qendër tregëtare, hapësira publike dhe rezidenciale ndërkohë që në fasadë do të gërshetohet gjelbërimi masiv me stilizime të ndryshme vetrate.

Regjisori BONG JOON-HO në një intervistë për The Talk tregon detaje se si nisi ideja për filmin “Paraziti” që e bëri të triumfojë në Oscar 2020. 

"Ne të gjithë jemi të vetëdijshëm për boshllëkun midis të pasurve dhe të varfërve, por ajo që është thelbësisht edhe më e frikshme është frika se kjo nuk do të zgjidhet në të ardhmen"

Regjisor Bong, edhe pse filmat tuaj janë shumë të dashur për shkak të humorit të errët, ato gjithashtu mund të kenë nota cinizmi në këndvështrimin e disave. A do ta përshkruanit veten si pesimist?

Kostandin Kacifas, shtetasi shqiptar me kombësi greke që më 28 tetor 2018 ditën e dëshmorëve të Greqisë, ka qëlluar me breshëri kallashnikovi kundër policisë shqiptare në fshatin Bularat të Gjirokastrës, sipas ekspertizës ka rezoltuar  të mos jetë vrarë nga forcat e RENEA-s, por të ketë kryer vetëvrasje. Një konstatim i tillë është kryer nga ekspertët mjeko-ligjorë të policisë shkencore por dhe gjatë hetimeve të kryera nga prokurori i Krimeve të Rënda, Njazi Seferi, dhe së fundi nga prokurorët e Gjirokastrës, ku dosja prej muajit janar 2020 është transferuar pikërisht në këtë prokurori.

Ish-ministri grek i Financave, Yanis Varoufakis ka deklaruar se posedon regjistrimet diskutimeve mes palës greke dhe përfaqësuesve të Eurogrupit në vitin 2015 dhe madje do t’i bëjë publike ato. Në një dalje në Parlamentin grek, Varoufakis kërkoi që legjislativi grek të pranojë regjistrimet për të diskutuar mbi to, por drejtuesi i Parlamenti grek, Costa Tasoulas, ka refuzuar kërkesën duke cilësuar letrën e ish-ministrit si të papranueshme. Vetë Varoufakis ka referuar vendimin e Gjykatës Supreme Greke sipas të cilës regjistrimit janë legale dhe nuk cenojnë sferën e privatësisë.