Lajme

Prokuroria e Tiranës ka nxjerrë urdhëra ndalimi për 2 punonjës policie të Komisariatit nr.5 Tiranë dhe 8 inspektorë të Inspektoratit Ndërtimor Urbanistik Vendor (INUV) të Bashkisë Kamëz, të dyshuar për konsumimin e veprës penale të “Shpërdorimit të detyrës” dhe “Korrupsionit pasiv…”, pasi kanë lejuar ndërtimin e objekteve të paligjshme, nuk kanë raportuar për vijimin e punimeve në mjedise private, në kundërshtim me detyrën e tyre dhe në këmbim të parave.

Ministria e Ekonomisë ka përgatitur paketën e tretë të privatizimit me 60 objekte, të ish ndërmarrjeve shtetërore tashmë në faliment. Objektet shtrihen në të gjithë vendin, por një pjesë e madhe e tyre rreth 13 janë në zonën e Bradasheshit në Elbasan si pjesë e ish-fabrikës se seleksionimit të metaleve. Dy listat e mëparshme secila me nga 40 objekte janë paraqitur tashmë në Ministrinë e Financave. Bashkë më objektet ish fabrikave, Ministria e Ekonomisë ka nxjerrë në shitje 100 për qind të aksioneve të ndërmarrjes shtetërore të Sigurimeve, INSIG.

Rikthimi i Armando Prengës në kuvend do ta përqëndrojë aksionin e opozitës në çështjen e dekriminalizimit, me të cilën detyroi mazhorancën të ulet në një tryezë dhe të pranojë autorësinë e inkriminimit të parlamentit. Të gjitha raundet kanë patur deri më tani fitues Lulzim Bashën, edhe pse kohezioni brenda Partisë Demokratike nuk ka qenë në favor të tij.

Ministri i Shëndetësisë Ilir Beqja, ka parë personalisht sesi "koha e tij për të shpjeguar koncesionet" mbaroi. Kjo ka ndodhur në studion e "Zërit të Amerikës" përballë gazetares Laura Konda. Këtu video:

Ky është rasti i dytë pas atij të Ilir Metës para disa muajsh, i cili në të njëtë studio e humbi edhe qetësinë, por edhe dashurinë. Video këtu:

Prodhuesi amerikan i çokollatave “Mars” ka tërhequr prodhimin nga raftet e 55 vendeve pas zbulimit të gjurmëve të plastikës në produktet e kompanisë. Kjo u njoftua nga mediat amerikane.Gjurmët e plastikës u gjetën në produktet e çokollatave të eksportuara në Gjermani. Mes vendeve ku në treg janë hedhur prodhime të çokollatave me mbetje plastike  është edhe Italia. Autoriteti i Sigurimit të Ushqimit në Hollandë njoftoi se mbetjet plastike të gjetura në çokollatat në fjalë mund të çojnë në asfiksi. Produktet me rrezik sipas kompanisë janë çokollatat Mars, Snickers, Milky Ëay dhe Mini Mix.

Reforma në Drejtësi është me gjasë kushti i ekzistencës së koalicionit aktual qeverisës. Kjo u bë e qartë edhe nga kryeministri Edi Rama, i cili gjatë një interviste të paradisa ditëve deklaroi se nëse ajo nuk miratohet, marrëdhënia me Lëvizjen Socialiste për Integrim, prishet. Pika kritike e kësaj marrëdhënieje që po merr shkas nga “lexime” të ndryshme të draftit të të propozuar nga ekspertët, është njësia antikorrupsion, e cila së fundmi, është shoqëruar me propozimin e ngritjes së Byrosë Kombëtare të Hetimit në varësi të Ministrisë së Brendshme.

Qeveria e tanishme e nisi rrugën e vet duke iu kundërvënë ndërtimeve pa leje. Apo katastrofës në territor. Por brenda këtyre fjalëve ka edhe ndonjë përjashtim që nuk harrohet kollaj, pasi na sjell parasysh sesa lehtë mund të shkelet ligji në Shqipëri. Pallati në Vlorë, i njohur si pallati i Lulzim Bashës, ishte me leje, e megjithatë ai u prish, ndërkohë që u deshën disa reagime në media, që Bashkia e Tiranës, INUV, INUK, apo Ministria e Kulturës të shikonin ndërtimin që mbiu befas një ditë në mjediset e Kinema “Millenium”.

Associated Press njofton se do të hapë shumë shpejt një kanal transmetimi video ku operohet me gazetarinë 3D(immersive journalism – përkufizimi këtu: https://en.wikipedia.org/wiki/Immersive_journalism) dhe teknologjinë e realitetit virtual. AP-ja do ta vërë në funksionim këtë kanal në bashkëpunim me AMD, duke ofruar kështu për shikuesit një mundësi të “përjetimit” të lajmeve dhe ngjarjeve.

Drejtuesja e Autoritetit të Konkurencës, Lindita Lati ka përsëritur sot kërkesën që Operatori i Shpërndarjes së Energjisë, t’i japë fund praktikës së deritanishme të tenderave të energjisë. Kjo praktikë qëndron jashtë ligjit për prokurimet dhe ndjek këtë logjikë: OSHEE merr fillimisht ofertat nga tregtarët privatë dhe pas tenderit hyn në negociata individuale me secilin prej tyre. Diçka krejt origjinale, por që ka sjellë ankesa nga tregëtarët.

Taksat vendore do të gjykohen në Gjykatën Administrative. Shoqata për Mbrojtjen e Tregtarëve dhe Tregut të Shqipërisë ka protestuar sot para Bashkisë së Tiranës, duke deklaruar se do të kërkojë shprehjen e gjykatës për një çështje që prek interesat edhe të qytetarëve. “Në çdo vend normal të botës së lirë, në fillim bëhet një studim se si do të rriten taksat dhe tatimet, shihet se sa rritet puna jonë, në çfarë shifrash, dhe në mënyrë propocionale, pushteti qendror dhe ai lokal fillon dhe rrit taksat.