Zbardhet paketa fiskale - sa do të taksohen shqiptarët

Sa do të taksohen shqiptarët? Kjo është një nga pyetjet më të rëndësishme, qysh kur qeveria e re nisi të hartonte paketën e re fiskale. Edhe dje, kryeministri qetësoi qytetarët duke rikonfirmuar premtimin se “për 95% të qytetarëve taksat do të ulen”. Në fakt sot është bërë publik varianti përfundimtar i cili parashikon ulje praktike te taksave për pagat që lëvizin nga 30 mijë deri në 130 mijë lekë. Kjo duke ndjekur formulën e përllogaritjes së tatimit mbi të ardhurat të bërë publike nga Ministria e Financave. Pagat deri në 30 mijë lekë përjashtohen nga tatimi mbi të ardhurat, ndërsa pagat nga 30 mijë deri në 130 mijë, Tatimi mbi të Ardhurat Personale shkon 13%, por i llogaritur për pjesën e pagës i shtohet kufirit 30 mijë lekë. P.sh një pagë prej 80 mijë lekësh, do të bëhet pjesë e tatimit mbi të ardhurat personale 13% për pjesën 50 mijë lekësh që është diferenca mes pagës së deklaruar dhe asaj minimale 30 mijë lekësh që përjashtohet nga TAP. Për rroga mbi 130 mijë lekësh tatimi shkon në 23%. Kjo skemë nuk përfshin qeratë dhe aktivitet e tjera që tatohen po njësoj. Skema është kritikuar gjerësisht, pasi ndonëse premton ulje taksash, ka dyshime mbi zbatimin e formulës që lidhet me TAP për rrogat mbi 30 mijë lekë. (Këtu ka edhe një ilustrim konkret me shifra: http://www.top-channel.tv/artikull.php?id=269190). Po kështu janë hedhur dyshime edhe për faktin se skema nxit evazionin.

s.z