Zbardhen faturat, Qamil Zela ka patur 3.4 milionë lekë të vjetra detyrime për energjinë

Qamil Zela, 52 vjeçari që u vetëvar në qelitë e paraburgimit të Rrogozhinës, ku mbahej prej 2 muajsh për  vjedhje të energjisë elektrike,  ka patur një borxh shumë herë më të madh se 35 mijë lekë të vjetra për energjinë e papaguar ndryshe nga sa pretendonin familjarët e tij.

Burime zyrtare nga OSHEE pohojnë se  Qamil Zela ka  një detyrim të papaguar prej 3.4 milionë lekësh të vjetra për energjinë që ka furnizuar dy bizneset e tij, një fast food dhe një sallë interneti ngjitur me banesën e tij në Lushnjë.  Ky është informacioni që ka dhënë për mediat zyra për shtyp e këtij institucioni.  

“Qamil Zela nuk ka patur kontratë furnizimi me OSHEE për subjektet private që ushtronin aktivitet në katin e parë dhe detyrimi ndaj OSHEE është në vlerën e 3.4 milionë lekëve të vjetra”.

l.m