UÇK shpërndan një komunikatë: Do të godasim pa mëshirë strukturat e pushtetit kriminal në Maqedoni

Një komunikatë që mban emblemën e Ushtrisë Çlirimtare Kombëtare sërish i është shpërndarë medieve në Shkup dhe se përmes saj bëhet thirrje që Ali Ahmeti të braktisë institucionet shtetërore në Maqedoni.  Në kumtesën e nënshkruar nga zëdhënësi i Ushtrisë Çlirimtare Kombëtare, “Flamuri” thuhet se lufta e popullit shqiptar deri në vitin 2001, solli ndryshime në marrëdhëniet e brendshme politike, duke respektuar të drejtat kombëtare brenda trojeve etnike, edhe pse në kufij të ndarë. Marrëveshja e Ohrit u konsiderua një sukses, por ajo në vazhdimësi nuk i plotëso i detyrimet e saj, për shkak të lëshimeve politike të qeverisjeve që kanë kaluar në shtetin e Maqedonisë. “Partitë shqiptare në pushtet, me lëshimet politike, krijuan hapësira boshe duke mbjellë zhgënjimin e thellë në shtresat popullore dhe duke krijuar hapësira për nxitjen e krimit, korrupsionit, dallimeve etnike me përmbajtje raciale, deri në kapitullim pa kushte para presionit politik të diktatit maqedonas. Nuk shikojmë shpresë në mundësinë e zgjidhjeve politike dhe premtimeve të mashtrimit prej përfaqësuesve shqiptar në qeverisjen e vendit”, thotë komunikata. Më pas në komunikatë thuhet se për luftëtarët dhe ish luftëtarët e Ushtrisë Çlirimtare Kombëtare, në rrugën e idealeve kombëtare dhe Betimit të Luftëtarit të UCK, nuk ka kthim prapa, deri në realizimin e objektivave politike e ushtarake. “Ne do të godasim pa mëshirë këto struktura, që janë vënë në shërbim të një pushteti kriminal”,shkruhet në komunikatën e UÇK-së

http://lajmpress.com/lajme/maqedoni/55872-uck-do-te-godasim-strukturat-e-pushtetit-kriminal-ne-maqedoni.html