Strategjia e re e opozitës: Moho e sulmo gjithçka, sapo del nga goja e qeverisë!?

Duket se është jo më kaos, po strategji, fakti që nga opozita ka sulme agresive për çdo veprim të qeverisë, edhe kur ato mund të jenë veprime humanitare. Siç ishte për shëmbull, mbështetja e familjeve të policëve të vrarë, ku Kryeministri dhe Ministri i Brendshëm premtuan që mos t’i lënë pa punë e as pa shtëpi, dhe të hapin dosjet e”tradhëtisë”.

I menjëhershëm e agresiv reagimi i PD-së përmes deputetit Gent Strazimiri, i cili me një gjuhë të ashpër tha se Kryeministri Edi Rama dhe Ministri  i Punëve të Brendshme, Saimir Tahiri, gënjyen publikisht për mbeshtetjen që do t'u ofronte shteti familjareve të policëve të vrarë”. Mund të thuhet që kanë gënjyer pas 6 muajsh ose pas një viti, por të thuhet gjysëm ore pas premtimit?

"Tallazet dhe furtunat e jetës nuk parashikohen dot me ligj, dhe kësisoj përmirësimi i kuadrit ligjor dhe ndihmës ndaj tyre nuk do të njohë kurrë kufij. E vetmja gjë që zoti Rama duhet t’u kishte premtuar sot, do të duhej të ishte respektimi i ligjeve në fuqi të paktën për ta dhe trajtimin e barabartë të martirëve, domethënë jo ndarjen e tyre si deri në vitin 2005 në “të vrarë në kohën e Berishës dhe të vrarë në kohën tonë”", tha më tej z. Strazimiri.

k.c.