Spahiu: Berisha bën fushatë me 100 vjetorin e Pavarësisë

Mbledhjet e fundit të qeverisë janë karakterizuar nga fjalime thuajse të përjavshme të Kryeministrit Berisha në lidhje me 100 vjetorin e Pavarësisë së vendit. Por, Berisha nuk mund të luante në terrenin e Spahiut pa shkaktuar një reagim nga ky i fundit. Kreu i AKZ-së, reagoi sot nga Lushnja duke deklaruar se Berisha po shfrytëzon aktivitetet për 100 vjetorin e Pavarësisë për qëllimet e tij elektorale. “Brukseli do mbërrijë në Tiranë, por çfarë do të ndodhë, ata do vijnë të kërkojnë 12 standarde, por kryeministri Berisha nuk do t’ua japë. Fyle dhe Brukseli do vijnë për 12 rekomandimet, por Berisha dhe qeveria e tij do ti japin kopjen e ftesës për ditën e Pavarësisë, të cilën ka një muaj që e shumëfishon për t’a dhënë çdo lideri politik ndërkombëtar, që ta shndërrojë këtë ditë në fushatën e tij elektorale duke keqpërdorur ndërkombëtarët”, - tha ai.

Re.Pu