Sot në orën 20.45 është ndeshja Greqi-Gjermani; por është më shumë se një ndeshje

Sonte në mbrëmje, në orën 20.45, do të jetë ndeshja e futbollit midis Gjermanisë e Greqisë. Duket si për të qeshur, por ndeshja ka marrë konotacione të tjera, që burojnë prej krizës ekonomike. Në këtë situatë të krizës, në Gjermani grekët janë parë e shihen si xanxarë, apo më keq akoma, si “dhitë e zgjebosura me bishtin përpjetë”. Ndërsa vetë grekët janë të bindur se gjermanët, jo vetëm s’janë pa faj në këtë krizë që i ka pllakosur, por edhe po sillen pa pikë respekti me ta.

Duket sikur ndeshja e futbollit ka ardhur si me porosi në këtë klimë karfosjeje. Grekët “e dobët, të nëpërkëmbur, të fyer” duan të marrin hak ngaj gjermanëve “prepotentë”. Periferia kundër qendrës. Dobësia kundër fuqisë. I vogli kundër të madhit. Skuadra e parëndësishme kundër skuadrës fituese par excellence.

Re.Pu.