Sonte nata e çmimeve “OSCAR”

Eventi më i rëndësishëm kinematografik botëror i vitit, “The Oscars”, që do të zhvillohet në Los Angeles, do të transmetohet drejtpërdrejt dhe ekskluzivisht në kanalet T+, Plus HD dhe My Music të “Digitalb” për publikun shqiptar.

Nga ora 23:30 e së dielës, deri në 6:00 të mëngjesit të së hënës, në studio me Elona Duron dhe Andi Delianën do të mund të shikohet gjithçka ndodh jashtë dhe brenda “Dolby Theater”, me të ftuar që do të komentojnë, duke nisur nga ana estetike, emrat e njohur të kinemasë, deri te filmat në garë, me kuriozitete mbi realizuesit e tyre dhe aktorët e kandiduar.