Shqipëria...

Disa faqe online të mediave kanë botuar një foto ku shihet i akuzuari kryesor për vrasjen e kryekomisarit Dritan Lamaj, me krerë të lartë të policisë së shtetit. Fotoja dëshmon një ambjent miqsh, ku i akuzuari Frroku dhe kryepolicët e Shqipërisë xhaketëzhveshur shihen në një tryezë lokali.

Sipas faqes online të Shqiptarja.Com fotot janë marrë nga profili në rrjetin social, Facebook të Tonin Vocajt, Drejtor i Drejtorisë së Krimeve të Rënda, edhe ky në tavolinë. Veç këtij, në foto janë edhe zotërinjtë Agron Kulicaj, Muhamet Rrumbullaku e Nikolin Bala, edhe këta zyrtarë të lartë të kupolës së policisë së shtetit.

Ironia është që pikërisht Vocaj dhe Kulicaj janë personat e ngarkuar për hetimin e vrasjes së Lamajt. Mediat online bëjnë me dije se ata kanë deklaruar se “heqin dorë nga hetimi” (por jo nga posti).

Drejtori i Policisë së Shtetit, Hysni Burgaj, pas publikimit të fotos në një reagim për News 24 thotë se “foto është bërë 2 vite më parë dhe nuk cënon hetimin”. Kurse Kuliçaj në TV A1 Report foli për një "ardhje të rastësishme" në tryezë të Frrokut. Faqja online e Dita ka një set të zgjeruar fotosh (një çifteli kalon dorë më dorë) që dëshmojnë se ajo që thotë Kuliçaj (se Frroku erdhi rastësisht) në tryezë, duket pak e vështirë për t'u besuar. A.N.

Më shumë:

http://www.shqiptarja.com/home/1/ekskluzive--zbulohen-fotot-...

http://www.balkanweb.com/kryesore/1/frroku-foto-me-kryepolic...

http://gazetadita.al/drejtuesit-e-policise-jane-miq-te-frrok...