Shkëlzen Maliqi: Ndryshimi i kufijve Serbi-Kosovë është i pamundur

Në shkrimin e Shkëlzen Maliqit të publikuar në Gazetën Express thuhet se, “ish-Kryeministri i Maqedonisë Ljupço Gjeorgjevski, që jeton në Bullgari (ku, madje, e ka marrë edhe shtetësinë bullgare) prej vitit 2004, ka thënë para disa ditësh se Zoran Gjingjiçin e kanë vrarë, ngaqë ka kërkuar ndryshimin e kufijve në Ballkan, ka kërkuar që Kosova, Maqedonia dhe Bosnja të ndahen në bazë të vijave etnike; ndërkaq atje ku kjo nuk është e mundshme, të aplikohet këmbimi i popullsisë”.

Sipas Maliqit, kemi të bëjmë me një spekulim a posteriori të Gjeorgjevskit, që ky e fundit e bën bazuar në një plan, a dëshirë, që ekziston në kokën e Nikoliçit e të Daçiçit; e bën gjithahstu për të inkurajuar një ndarje të Maqedonisë sa kohë që nuk është vonë, dmth sa kohë që shqiptarët nuk janë bërë shumicë për shkak të lindshmërisë së lartë. Maliqi vetë është i idesë se kjo është e pamundur për më shumë se një arsye, por mbi të gjitha, ngaqë “kjo do të legalizonte precedentin e ndarjeve etnike të territoreve me pasoja zinxhirore gjithandej globit ku ka situata të ngjashme, gjë që nuk e dëshiron askush, madje as Rusia që e mbështet Serbinë në OKB”.

Re.Pu.